vestablikk

Om å finne

2012-02-11T19:53:00.004+01:00

Nokre dagar leitar eg

andre dagar finn eg

Nokre gamle skuffer

frå Janus-fabrikken

kan bli til ein settekasse

Når eg plutseleg forstår

kva skattar

eg faktisk eig

...

Håpar helga er snill med deg!

Vår på veggen

2012-02-09T09:51:00.006+01:00

Eg nådde visst ikkje

NIB si utfordring

om vår på veggen

Det gjer ingenting

Her får du det likevel

litt vårlege bilder

frå jentene sin bildevegg

nytt og gammalt

heimelaga og kjøpt

ein god dæsj farge

sjølvsagt

Ha ein fortryllande fin dag!

Og tusen takk for fine kommentarar

og nye følgarar

Eg blir så glad!

På trykk

2012-02-08T13:31:00.003+01:00

Vestablikk er i det nyaste Obos-bladet

som snart dumpar ned i postkassane til medlemmene.

Takk Cathrine -

for ein artig utfordring!

Denne dagen

2012-02-06T10:53:00.002+01:00

Denne dagen

grå, våt og kald

Kanskje treng den berre

ein skvett farge

Kanskje det er alt

som skal til?

Sikksakk liksom

2012-01-26T16:09:00.004+01:00

Sikksakk, trekantar eller chevron - blogge- og interiørverda er full av dei. Og har ein noko å dekorere samt fin maling, kan ein lage sjølv. Kva som helst. Denne tretina er førstemann ut hjå meg. Og eg likar det! Har fleire idear som må prøvast ut - men det involverer ein viss Vestablikkmann, så me får sjå kva tid han kan hive seg rundt med stikksaga:-)

Enn så lenge - ha ein fin torsdag! Eg skal på nattevakt!

Døgnvill

2012-01-25T23:33:00.003+01:00

Sein kveld igjen - det er andre gongen på ei veke at eg snur til nattevaktsmodus. Ungane syns ikkje det er det minste rart at mamma kjem heim tidleg på morgonen, ei heller at ho jobbar ettermiddag og kjem seint heim. Slik er livet i helsevesenet.

Men ellers er ting ved det same. Spisebordet vårt f.eks. blir alltid dekka med dei same, umake blåtallerknane. Dei fleste er arva og nokre loppemarknadsfunn - men absolutt alle har ei historie. Eg likar det. Eg likar å ete middag på mormor sin gamle tallerken, eller frukost på ein tallerken eg kjøpte på loppemarknad i Uppsala. No og då kjem nye tallerknar til - og denne miksen med Meg-tallerkenen frå Donna Wilson syns eg var uventa og fin. Og det søte ansiktet er ein historie i seg sjølv, syns eg.

Ei god natt til deg! Eg sit oppe pittelitt til...

Til lading

2012-01-23T14:11:00.003+01:00

Inspirasjonen er ikkje her. Den er sikkert andre stader. Ein fargerik latmannsrydding av rammer og slikt var alt eg fekk til å vise dokke idag. Men eg ligg til lading, og er sikker på at den kjem. Inspirasjonen altså. Imens kosar eg meg med andre sitt overskudd på Pinterest.

Ha ein fin dag!

Lufting

2012-01-20T14:08:00.005+01:00

Januar

alltid eit behov for luft

for å reinske ut

rydde ut rotet

starte med nye ark

frisk januarluft i lungene

Inspirasjon

finn eg på Pinterest

følg meg gjerne her!

Ha ein fin dag!

Rapport

2012-01-16T13:03:00.002+01:00

Mandag 16. januar:

Grå dag, men lyset kjem tidlegare og blir litt lengre.

Innedag med hostegutt og mellomstesøster. Heile huset som leikeplass - og det ser ut deretter.

Vaske- og ryddedag etter "juleferien" i Rogalandet. Høg vaskemiddelføring og ambisjonar. Dei blir neppe innfridd. Pyttsann. Med ein tørketrommel på laget blir klesvask uansett ein leik frå nå av!

Hekletrekket til krakken veks, utruleg nok. Takk Youtube!

Ergo: eg har mest å vere glad for - som vanleg:-) Håpar du har ein god dag òg!

Ferm vår

2012-01-12T20:24:00.003+01:00

Det er vår hjå Ferm Living òg. Og den nye kolleksjonen skuffar ikkje. Geometri og pastell er framleis fresht og lett å like! I like!

Fin torsdag til deg!

Vårkjensle

2012-01-11T14:42:00.005+01:00

Eg og dei to minste nyter rolege fridagar i rogalandet.

Idag fekk me til stor glede SOL, og vårkjensla kom på plass i same augneblinken. Skogen luktar mold og væte, men trea står klare med store, fine knoppar. Skattar blir plukka og laga om til ein vårkrans. Berre fordi me vil. Og fordi det nærmar seg vår. Jammen gjer det det!

Fin onsdag til deg!

Varm rundt hjarta

2012-01-09T20:49:00.003+01:00

"Kalde hender - men varm rundt hjarta", pleide mormor alltid seie.

Heldigvis har ikkje ein frostig kropp noko å gjere med evna til empati, evna til å elske.

Det nærmar seg Valentinsdag - og kva er vel betre enn ei heimelaga gåve - laga av den slitne genseren, som duftar godt av deg. Til å varme kjæresten sine frosne føter. Så kan han både ha varme føter og varmt hjarta.

Om du vil lage: klyppe rommeleg etter mønster frå varmeflaska. Sy rette mot rette. Vreng, legg varmeflaska i, og tove alt i hop i maskinen på 40 grader. Om det ikkje blir nok, skrur du opp til 60 grader. Tørk, fyll i varmt vatn - og voilà - klar til bruk.

Å sette farge på

2012-01-03T09:29:00.002+01:00

Når året ligg der, nytt og ubrukt. Eit kvitt lerret.

Kva skal ein bruke det til? Kva fargar skal ein sette på det?

Kva fargar vil det sette på deg?

Måtte berre dele desse bildene med deg

frå ein fantastisk interaktiv utstilling i Australia

"The obliteration room"

Gallery of Modern Art in Brisbane

Kva skjer når du gir tusenvis av klistremerker til ein haug med ungar?

Dette

Ikkje ver redd for å sette den fyrste fargen på lerretet

Velg berre dei fargane du likar

Stopp i tide

Det blir eit bra år

2012

Det er eg sikker på!

Bilder frå GOMA

Via Poppytalk

Juleønske

2011-12-24T01:54:00.003+01:00

Eg håpar jula blir fin. For oss alle. Om ikkje alt blir som planlagt. Om det er nokon ein saknar. Om julesnøen ikkje kjem. For jula er her uansett. La oss ta vare på. La oss gjere vårt beste. For den store stjerna lyser over ein stall ein stad. Og himmelen kviler på strå.

Fredeleg jul til deg!

Reprise

2011-12-22T15:55:00.006+01:00

Siden førjulstida iår har bestått av julespel, jobbing og vannkoppar - må eg leite i fjorårets bilder for å finne kreative krumspring. Iår nøyer me oss med dei basale tinga - nokre sorter småkaker, røykelse og juletre. Jul blir det uansett!

Fin pittelitlejulafta til deg!

I siste liten

2011-12-18T21:36:00.002+01:00

Siste førjulsveka allerede. Her i heimen går det i vannkoppar og førjulskos. Det me ikkje må gjere, gjer me ikkje. Og det me må gjere - er me lovleg seine med...

Igår morges var det postkortstemning i skogen - så me pakka med oss skinnfellar og tepper og laga oss ein liten fotoseanse ute i det fri. Ufyseleg idyllisk, sjølvsagt - men det er jo berre utanpå. Her er før og etter - eit herleg kaos. Men bildene blei fine, dei:-)

Fin søndag til deg!

Raud dag

2011-12-13T10:34:00.002+01:00

13. desember og luciadag. Men ingen dag er utan farge her i heimen. Kvitkledd med lys i hår - nope. Ikkje eingong Mollemor ville finne seg i å gå i kvitt, så ho stilte opp i lilla ullklede i luciatoget...

Så her får du bilder med fargar, som vanleg. Den raude fargen snik seg inn. Alltid. Den tek stor plass, men er energigivande og lett å like. Brukt med varsomhet er den ein strålande gjest.

Ha ein fin dag - og pass på så du ikkje bles bort!

Julemarked

2011-12-12T12:49:00.004+01:00

På fredag var eg på det årlege kunst- og designmarkedet her i byen. Alltid mykje fint og facinerande å sjå. Dette året kunne eg ikkje gå heim utan ein illustrasjon frå Katrin Berge. Dei litt surrealistiske teikningane hennar er eventyr og islandsk mytologi.

Eit lite ekorn med tversoversløyfe blir fin på jakka i vinter. Og under ligger eit flott silketrykk frå denne flinke dama, som skal bli pute til Jan Kran. Som garantert ikkje les dette:-)

Fin dag til deg!

Ho listar seg inn

2011-12-07T18:55:00.003+01:00

Ho listar seg inn, jula. Nesten umerkeleg. Slik som den vakre keramikk-stjerna som denne bloggaren har laga. Ellers er julefølelsen absolutt tilstades, med florlett nysnø ute og englevinge-sying inne. Førjulstid er fint! Når berre julespelet er over, skal det vel bli ei råd med julebakst òg. Gler meg!

Fin førjulskveld til deg!

Augefryd

2011-12-03T22:44:00.002+01:00

Vakkert og lekent!

Staffan Holm

Det snør

2011-12-02T12:51:00.002+01:00

Fyrste snødag her i byen betyr mykje rot på vegane... Eg og Elvis held oss inne enn så lenge, og fordriver tida med silkepapir, sprettball og slikt. Fine fredagen! Håpar din er fin òg!

Alltid på veg

2011-12-01T13:40:00.004+01:00

Å gå sakte betyr ikkje at ein står stille. Aldri det. Men å gå i rett retning, stadig på veg. Ikkje sjå seg for mykje tilbake, ikkje telle tapte slag.

På veg mot nye eventyr. Alltid det.

Blomar frå ein kreativ kveld ilag med fantastiske medbloggarar. Spennande planar for nyåret! Illustrasjonen som var bestilt er no ferdig og er på veg til ferdig produkt. Gler meg! Fleire ballar i lufta, som vanleg. Likar det!

Fin torsdag til deg!

Stressfri sone

2011-11-26T23:54:00.006+01:00

Er eg i rute? Til julespel, til fulle kakeboksar, til ein kamelfri og julepynta heim?

Det ville i tilfelle vere ein kraftig overdrivelse.

Den raude julestjerna er ikkje på plass i vinduet, og lista med juleforberedelsar finst foreløpig ikkje. Kamelane har det fredeleg under sofaen, og heimen er underleg førjulsfri. Alt det andre står på staden kvil, mens me ventar på julespelet. Men ikkje ei einaste stress-skulder i sikte.

Eg har tid nok. Alltid.

Viss nokon ropar at eg må forte meg, går eg berre ekstra sakte.

Wake me up

2011-11-22T12:37:00.007+01:00

Om eg hadde hatt Iphone hadde denne definitivt stått høgt på ønskelista i år! Det er ikkje ei gamaldags vekkarklokke, men ein ladestasjon for telefonen din! Og lastar du ned den fine Flipflap-klokke app'en òg, har du definitivt ein møblert heim. På soverommet.

Fin dag til deg!

Alarm Dock frå Areaware. Bildet er lånt derifrå.

Julekort

2011-11-21T09:34:00.002+01:00

No er det trykka opp julekort av illustrasjonen eg laga for julespelet. Salet av korta går til inntekt for Kirkens Bymisjon i Bergen, som gjer ein fantastisk innsats for utsatte grupper. Kortreist hjelp til nokon som gruar seg til jul.

Det er doble kort med god plass til å skrive fine julehelsingar, og prisen er 20 kr for eitt, 150 kr for 10! Legg igjen ei mailadresse, eller send meg ein mail om du har lyst til å kjøpe:-)

Fin dag til deg!

Kreativt kaos

2011-11-18T11:32:00.002+01:00

Mørkt midt på dagen

Inne er det lys, lys, lys

og masse kjekt rot

Fin fredag til deg!

Save it for a rainy day

2011-11-14T21:22:00.004+01:00

Berre ein blome eller to til deg

og ei solstråle som fann vegen inn

Du kan spare dei til ein dag det regnar

Om du vil

Fargelaust?

2011-11-07T21:17:00.002+01:00

Å - kor eg likar sarte, monokrone, naturlege interiør. Svart-kvite eller kvit-kvite interiør der teksturane får spele ei viktig rolle. Ro for auga, kvile for pulsen. Nydeleg.

Men så må eg realitetsorientere meg innimellom. Hadde eg klart å leve utan farge? Utan energien fargane gir meg? Neppe. Eg treng farge. Kvar einaste dag.

Fin kveld til deg!

Litt gjenbrukshistorie

2011-11-03T21:51:00.003+01:00

Etter sommarferien kom svigermor med desse nydelege stoffene til meg. Dei var henta ned frå loftet til Grandma. Det er feedsacks, som hønsefor og mjøl og allslags varer blei selde i på 50- og 60-talet i USA. Nevenyttige husmødre sydde dei om til klede, til og med bikiniar har visst blitt til av desse stoffa. For ein fantastisk måte å tenke gjenbruk på! Ved å bruke så vakre stoffer til emballasje, sikra ein at dei levde vidare! Eg seier bare; tenk om ein kunne kjøpe mjøl og kaffi i slike feedsacks nå for tida... Dagligvaren hadde jo vore reine stoffhimmelen:-)

Fin kveld til deg!

Snartur

2011-11-01T21:40:00.002+01:00

Berre ein snartur innom for å sei hei! Det er travle tider - julespeltravelt. Mykje folk i sving, ungar og vaksne, amatørar og proffar. Det blir stort! Eg jobbar med kostyme og scene, det er både utfordrande og artig.

Joda, jula nærmar seg med sjumilssteg. Hurra og huttetu:-)

Fin kveld til deg!

Kjenne på livet

2011-10-27T15:49:00.004+02:00

Nye utfordringar

ilag med menneske som brenn

Våge seg utpå

Ut av komfort-sona

Livet

med kvite skumtoppar på

Eg likar det.

Mi årstid

2011-10-23T21:50:00.002+02:00

Blesten syng framleis - hovudet er fylt til randen av godlyder; susing i gule tretoppar, rasling i tørre blader på bakken, barnelatter. Lauvkrig med den fine gjengen min. Så godt for både auge, øyre og hjarte. Eg har lagra det på den interne harddisken. Til å hente fram igjen når vinteren blir for grå og kald. Til å lune seg på.

Fin søndagskveld til deg!

Fødselsdag

2011-10-22T15:32:00.004+02:00

Idag er Vestablikkmannen sin dag! Ennå ung - men litt eldre enn på den øverste teikninga her, som vart laga til bryllupsdagen i 2000.

Gratulerer med dagen - du er den aller beste!

God helg til deg som er innom!

Innespurv

2011-10-20T15:43:00.002+02:00

Dyra er visst i fleirtal hjå oss. No er òg ein spurv komen, og sit fullstendig harmonisk ilag med musa, som kikkar ned på det beitande rådyret. Ungane syns ikkje det er det minste rart heller, dei er vande med små venner som dukkar opp her og der...

Spurven er klipt ut i svart papp og sett opp på veggen med lærarkitt. Enkelt og greit. Minimalt med energibruk, noko som passar meg godt no om dagen...

Fin dag til deg!

Inspirerande kveld

2011-10-19T13:52:00.005+02:00

Gårsdagen var ein svært vellykka inspirasjonskveld! Slik måtte det jo bli, når miksen er Brigitta, eit knippe engasjerte Landåsdamer og eit utruleg lekkert skulpturmuseum!

Brigitta viste og fortalte om mange fantasifulle og kreative gjenbruksprosjekt. Filosofien hennar er å lage sjølv, istaden for å kjøpe nytt. Det kan gjerne koste minst mulig. Ho let seg inspirere av designarar og ting ho ser. Svært inspirerande! Takk, Brigitta!

Etterpå vart det fri hekling, mingling og kaffidrikking. Og den gode praten gjekk heilt i det høge taket på det flotte museet!

Her kan du finne meir info om Redesign Landås og Bærekraftig liv på Landås.

Slow days og Redesign Landås

2011-10-18T12:11:00.005+02:00

Jajasann. Dagane går, og formen går sakte i rett retning. Om enn det kjennes lite produktivt å vere sjuk - så har eg iallefall fått produsert ein beskjeden haug med bestemorruter. Nå når rutene går utan problem, tenkte eg at eg skulle forsøke meg på desse fine stjernene, som snille Loppelilla la ut ei bildeoppskrift på igår! Det nærmar seg tross alt jul...

Ikveld er det ny inspirasjonskveld med Redesign på Landås - og då kan me lokke med at flinke Brigitta frå bloggen Brigg kjem på "show and tell"! Gler meg stort til det! Ryktet seier at det blant anna blir litt fresk hekling der òg. Heklenåla er i vinden som aldri før gitt!

Stort velkommen til deg som vil!

Min nye poster frå Egg Press - love it!

Blide småtroll

2011-10-17T18:13:00.002+02:00

Eg er utan tvil ein barnsleg sjel. Eg likar enkle teikningar, gjerne frå ei ivrig barnehand. No når 5-åringen endeleg har begynt å teikne figurativt - blir mange av dei sjarmerande "trolla" hengt opp rundt omkring. Denne er så blid - at det er umogeleg å la vere å smile tilbake! Akkurat som artisten faktisk!

Fin mandagskveld til deg!

På hell

2011-10-15T22:59:00.002+02:00

Ute ein ørliten tur

for å trekke inn sylskarp haustluft

i rekonvalesens-lunger

Fargar, lukter og lyder

Alt høyrer hausten til

Alt er godt

Inneferie

2011-10-13T16:46:00.004+02:00

Haustferien nærmar seg eit slags punktum, og det kjennes litt tomt. Eg har slitt med eit innpåslitent virus i ei vekes tid no, og har ikkje fått nyte dagane. Trøysta er at dei andre er hoppande friske, og er ute heile tida. Idag har jentene vore med bestefar på hummarfiske, og det var stor stas! Blankstille og solblenkande fjord! OG fangst! Haust på sitt beste!

Ifjor var eg med papsen på sjøen, nesten kvar dag i ferien. No set eg dei minnene på replay!

Håpar du har det bra der du er!

Ny dille

2011-10-09T11:47:00.005+02:00

Jammen meg går det an å lære hekling ved hjelp av gode kollegaer og på Youtube - takk for tipset, Pøbelen! Det ser ut som hekling er den nye bloggedilla, her i huset er det iallefall blitt det. 7-åringen er òg hekta. Er det bra eller dårleg at garnbutikken ligg rett nede på hjørnet då..?

Fargane i desse bestemorrutene er sterkt inspirert av eit teppe eg såg hjå Dottie Angel for lenge sidan. Det klarte eg ikkje å gløyme. Har du ikkje vore innom henne, anbefaler eg ein tur innom hennar kreative univers!

Fin søndag til deg!

Dei to nederste bildene er lånte frå Dottie Angel.

Augefryd

2011-10-08T14:28:00.003+02:00

"Noens unge"

"Vil du hugsa meg?"

"Vil du hugsa meg ll"

"Barn og mor"

"Gud har høyrt"

"Lyft meg mot himlen, du makt i mi makt"

"Tapt minne"

"Bera saman"

Alle bildene er av talentfulle Lina Valland Lyngset.

God laurdag til deg! Eg held senga idag...

Utan tvil

2011-10-07T06:39:00.000+02:00

Ha ein flott fredag, venner!

Haustsøm

2011-10-06T12:11:00.003+02:00

Haust og syinspirasjon. Det blir ein kjole til nydelege I. Av mammaens gamle og høgt elska gardiner. Gjenbruk er stas! No får me berre håpe dottera syns det er like stas.

Syklubb igår og Redesignkveld idag. Hu-hei kor det går:-) Haust er fint!

Fin torsdag til deg!

Øyeblikk

2011-10-02T20:37:00.007+02:00

Dette er mitt bidrag til den fyrste fotokonkurransen til nye Øyeblikk - ei inspirasjonsside for oss som diggar å fotografere! Flinke Stine og Marielle er sjefar her - ta gjerne ein tur innom dei flotte bloggane deira òg!

Fin søndagskveld til deg!

Lytt meir til vinden

2011-10-02T00:03:00.003+02:00

"Lytt meir til vinden enn til folk", seier Bjørg. Ho meiner at ein må finne ein stad inne i seg, der ein kan høyre sin egen stemme. Og at det er nødvendig for å kjenne seg sjølv. Reflektere over eige liv, over kva ein ynskjer, kva ein har eller ikkje har.

Eg trur ho har rett. Eg treng vinden. Eller stillheten.

Til å kjenne etter. Til å høyre at hjarta slår. Då er eg.

Eg er glad i vind. Altså verkeleg vind òg. Den er eg oppvaksen med, den er ein venn. Vind som ruskar i håret, vind som lagar verdas beste lyd i tretoppane. Alltid den same gode kjensla. Då er eg heime i mitt hus.

Håpar du får ei helg med vind. Eller stille.

Blomst

2011-09-30T22:40:00.003+02:00

Berre ein liten rosa fredagsblomst til dokke!

- for innspel og kommentarar, for nye følgerar!

Takk!

Pittelitt provosert

2011-09-27T19:58:00.003+02:00

Let's face it: eg er ikkje den som lettast blir provosert. Men trendar og "det einaste rette" predika frå menn i designstolar kan eg bli lettare varm i toppen av.

Unike ting krydra med design er mantraet no. Det einaste rette. Men dette er òg ein trend. Det vil komme nye trender, nye mantraer. Dei same mennene i designstolane sine vil om fem år le av unike ting krydra med design. Dei kjem til å snakke vissvass då, som nå.

Det som er viktig er smak. Og den er forskjellig. Heldigvis. Alle treng ikkje følge trendane. Heldigvis.

Så viss du har ein heim du faktisk likar - så hald fast ved den! Uansett kva sjølvutnemnde guruar seier.

Det beste

2011-09-26T21:05:00.006+02:00

Det aller, aller beste frå messa:

Bjørg Thorhallsdottir, kunstnar, verdensborgar og klokt, klokt menneske.

Som snakka om mot, om magefølelse, om å møte andre med kjærlighet, om å stupe.

Om sorg, om styrke. Om å vere midt i livet, om å velge livet!

Takk Bjørg!

God og seriøs kaffi frå Kaffemisjonen.

Vestablikk-dikt på Bloggeria-collage.

Bloggefrukost! Deilig musikk og mat, samt kjente og ukjente bloggevenner. Neste år treng me berre litt meir tid, Trude;-)

Krakkar med varme føter. Sympatisk.

Ha ein fin mandagskveld!

Sorterer

2011-09-25T21:32:00.003+02:00

Ei innhaldsrik helg er over. Bergen har fått si eiga interiørmesse. Med stor I faktisk. Gratulerer til Trude med vel gjennomførte flotte dagar! Det har vore kjempefin bloggefrukost ilag med kjente og ukjente bloggedamer, flotte stands, trender, fargar, god kaffi, sosiale møteplassar og fine foredrag.

Det har vore ting, mykje ting - til òg med litt overload...

Nå er det sorteringstid. Eg er full av inntrykk. Noko var fantastisk - noko direkte provoserande. Meir kjem etterkvart:-)

Men framfor alt; kjempegøy var det!

Luftetur

2011-09-23T10:53:00.003+02:00

Nå stikker snart kameraet og eg. Interiørmessa åpnar idag. Hurra!

Fin helg til deg!

Snart jul

2011-09-21T10:11:00.004+02:00

Neida. Heldigvis er det ei god stund til jul. Men lik som blant anna Kjersti har mange starta juleforberedelsane allerede. Eg òg. Eg vart til og med beskyldt for å ha starta julebaksten her ein dag - men så ille er det ikkje...

Midt på høgsommaren laga eg ein illustrasjon til julespelet til menigheten. Den er no trykka opp til flyers. Kjempeartig prosjekt - håpar på fleire slike...

No skal eg avgårde på eit anna spennande prosjekt! Fortsettelse følger...

Fin onsdag til deg!

Joda

2011-09-20T15:04:00.003+02:00

Joda. Eg er her. Heilt klart. Om enn snylte forkjøla. Om enn i overkant mange prosjekt på gang. Som vanleg... Eg har nytt ein liten bloggepause. Har ikkje eingong kommentert fine postar rundt omkring, har rett og slett berre mottatt inspirasjon. Ikkje gitt tilbake. Tanken er å snart bidra litt meir igjen!

Helga nærmar seg, og Interiørmessa likeså! Gler meg! Det blir kjekt å møte mange av dokke, få inspirasjon, ta bilder +++

Her i heimen er forberedelsar godt i gong;-) Litt hemmelegheter er det vel lov å ha..?

Fin tirsdag til deg!

Tiger

2011-09-08T12:38:00.002+02:00

Ikkje alt er som du trur.

*filosoferer*

Weekday Carnival

Funkler

2011-09-08T08:32:00.002+02:00

Norske Funkle har kome med nyheter. Årets kolleksjon heiter Gullfuglen, og fortel historia om industriutviklinga i Norge på 30-talet. Var du gifteklar og fann deg ein ung mann i industrien - hadde du skote gullfuglen...

Vakkert, ikkje sant?

Fin torsdag til deg! Her blir det feiring av 7-årsdag!

Farge for ein grå dag

2011-09-07T19:54:00.003+02:00

Nokre dagar treng litt ekstra farge. Slik som idag. Regn i metervis. Framleis ventande på bedre nyheter. Då gjer farge godt. Gjerne skikkeleg knæsj mot meir avbalanserte fargar. Neon og pastell er er flott kombinasjon. Sjølv om det rykker litt i 90-talsfoten...

Fin kveld til deg!

Messetid

2011-09-04T22:33:00.005+02:00

Dette har eg gleda meg til lenge

Ei eiga stor interiørmesse for Bergen

Helga 23. - 25. september

Lørdag 24. blir det frukost for oss bloggarar

Eat & meet

Eg kjem

Kjem du?

Bildet er lånt frå messa sin blogg

Strikkeklokke og stumtjener av Siren Elise Wilhelmsen

Du kan

2011-09-01T16:57:00.004+02:00

Kom september.

Kom med høg, gjennomsiktig himmel, tørre gater og dansande lauv. Kom med ein lun genser og eit tent lys. Kom september med bugnande frukttre og grågås som pratar og ler.

Kom september med skog i brann.

Kom september.

Eg veit du kan.

Sove litt

2011-08-31T10:15:00.002+02:00

Det regnar mot ruta

fine lyder

blåbleikt morgonlys

Stilt i huset

sove no

før nattevakt ikveld

Fin onsdag til deg!

Ein vanleg tirsdag

2011-08-30T21:34:00.001+02:00

Håpar dagen har vore god mot deg!

Skapskatt

2011-08-29T10:54:00.004+02:00

Eg kjøpte eit skap på eit stort flyttesalg for litt sidan. Sjeldan har eg vel gjort eit slikt kupp. Med ein aldri så liten sjarmoffensiv blei skapet mitt for 500 kr. No er det vaska og flikka litt på, og lavendelposane ligg inni for å "godgjera" skapet litt. Herleg, gammalt og blytungt... - eg diggar skapet mitt!

Fin mandag til deg!

Augefryd

2011-08-26T10:22:00.001+02:00

Weekday Carnival

Ferm living

Haustgul

2011-08-25T10:28:00.002+02:00

Etsy kan vere svært vanedannande. Visste du at du kan søke på favorittfarge? Gjett kva eg søker på..? Denne gule smukkasen kjem snart til postkassen min, herleg haustgul! Gler meg!

Ha ein fin haustdag!

Lysglimt

2011-08-24T15:06:00.008+02:00

Den lange dagen er over.

No må vi berre å vente og sjå. Ein gut har gitt og ein har fått.

No må kroppen få tid til å bygge seg opp igjen.

Dette skal gå bra!

Takk for alle gode helsingar og virtuelle klemmar!

Det trøystar!

For dei som lurer har eg lånt Vestablikkmannens si Carl Zeiss 50 mm linse, det skal visst vere noko av det beste. Kjøpt brukt sjølvsagt. For nesten ingenting:-) Hurra!

Den lange dagen

2011-08-23T12:23:00.000+02:00

Kvilelaus rydding

frå rom til rom

Ventar

Ugletour

2011-08-18T21:33:00.006+02:00

Kanskje ikkje så overraskande - men eg likar ugler. Sånn bortsett frå min nær-Hubro-opplevelse har eg berre møtt på søvnige, blide ugler. Hubroen såg sint ut, men den var sikkert ikkje det. Ikkje så lett å sjå blid ut når ein har duskar på øyrene, tross alt.

Idag får du eit knippe av våre husugler. Den sist ankomne er puta, som er laga av eit fotoprint frå Stoff og Stil. Ser sint ut, men er ho det? Neeeeeida.

Takk for nydelege kommentarar og klemmar i forrige innlegg. Eg er ikkje like trist kvar dag. Men å ha ein flott tantegutt som no er sjuk, sjuk av blodkreft er vanskeleg. Beinmargstransplantasjon nærmar seg, og nervene likeså.

Men innimellom kan eg gjere meg opptatt med puter og dill og dall. Sånn for å få tankane over på andre ting. Det gjer godt!

Tenner lys

2011-08-14T21:20:00.005+02:00

Heile livet har eg sett

fargar

og lys

mest av det

Eg er heldig

No er mørket her

like rundt hjørnet

Eg tviheld på fargane

og tenner eit lys

Det hjelper litt

Vaffelkos

2011-08-10T20:00:00.002+02:00

Litt vaffelkos må til på ein vanleg onsdag. Når pappaen er langt, langt vekk - og både små og store saknar. Det fine brettet frå Baljen passa sjølvsagt perfekt som vaffelbrett!

Fin onsdagskveld til deg!

Den grønne Baljen

2011-08-09T11:40:00.003+02:00

Eg lovde fleire bilder frå den lokale bruktbutikken, Den grønne Baljen. Idag tok eg turen innom med betre linse, og koste meg med øyefryd i kvar krok! Koselege Kerstin hadde farta rundt på masse svenske og danske loppisar i sommar, og det viste igjen! Utruleg mykje fint!

Eit nydeleg brett ropte på meg, og fekk bli med heim. Det skal de få sjå ein annan dag!

Fin dag til deg som er innom! Og takk for alle fine kommentarar de legg igjen - eg blir så glad:-)

Fine funn og seinsommarpimp

2011-08-07T20:20:00.003+02:00

Her om dagen handla eg verkeleg stort på Fretex. Av og til ligg det skattar overalt. Eg gjorde store auger då eg fann gult hjertebankstoff, to store gardinstykker. Trur nesten folk kunne høyre den høge pulsen min...

Lys turkis og gul er verkeleg Vestablikk-fargar for tida. Eg blir ikkje lei... Ein og annan lilla impuls snik seg inn, og raudt og oransje kan eg ikkje leve utan - ergo: eg har det som vanleg i overkant fargerikt.

Det gule fatet er eit gammalt og slite teakfat. Nokon hadde ubarmhjertig brukt det til skjærefjøl, det var stakkarsleg og trist. Med ein liten meis og greiner teikna på for hand, og så malt fleire strøk med yndlingsgulfargen kom det seg betrakteleg. Utruleg artig å pimpe slitne ting slik at dei får eit nytt liv. Miljøvennleg og billig moro!

Fin søndagskveld til deg!

Sol i mitt hus

2011-08-04T20:30:00.003+02:00

Idag

velger eg

fargane

og sola

Eg velger

ein fin gulfarge

eit mjukt teppe

Eg velger meg

fønvind

eit modent blåbær

Eg unner deg eit sorgfritt, lunt øyeblikk!

Hjå Janne

2011-08-03T21:24:00.004+02:00

I heimbygda mi fins eit galleri i den idylliske prestegarden. Mellom epletre, slengdisser og dukkehus - ligg galleriet vegg i vegg med verpande høner i hønsehuset. Janne som er grafisk designar driv galleriet, og her finn ein masse bilder og kunsthandverk frå heile verda, og aller mest i frå Afrika, der Janne har budd i fleire år.

Fargerikt, lekent, idyllisk - og absolutt verdt eit besøk!

Fin onsdagskveld til deg!

Jul i juli

2011-07-30T19:49:00.002+02:00

Nei, det har ikkje klikka heilt

men juleforberedelsane er offisielt igong

Eit spennande lite oppdrag

Så no speler eg julemusikk

og later som

mens sommarkveldssola kikkar lunt inn vindauget

Takk for koselege helsingar igår! Fin kveld til dokke, fine venner!

Gammal dame i krympealder

2011-07-29T20:32:00.002+02:00

Ein fin dag etter ei vond veke

Sol, kake og presangar

Eit år eldre

ikkje spør meg kor mange år

det har eg ikkje styr på

Men ifølge ei lita venninne

så er det midt i

krympealderen...hihi

Fin kveld til deg!

Sleppe tilbake lyset

2011-07-28T13:13:00.003+02:00

Det har vore vonde dagar

Uforståeleg vondskap

Tilfeldige ofre

Sorg men likevel

Kjærleik

Varme

Eit heilt folk

ein heil verden

som held rundt kvarandre

La det fortsette slik!

Høgsommar

2011-07-17T21:09:00.003+02:00

Naturen er alltid til stor inspirasjon og facinasjon. Fargar og former, lukter og kjensler. Frå den minste, delikate Linnea-blomen, til grove fargerike lav i høgfjellet. Høgsommar har kanskje mindre openberre fargar og blomar, men går ein med nasen i lyngen som meg - får ein betalt for det! Rikeleg!

Innspurten av ferien gav oss ro og frisk fjelluft, og var ikkje minst herleg mobil- og nettfri. No er ferie og bloggepause over for denne gong. Eg har fått mykje input og idear. No er teikneblokka full. I tillegg vart eg sendt på eit stort bruktmarked idag, der eg verkeleg fann SKAPET mitt! Eg fann ut at ein kjem langt med eit fint smil og eit lågt bud. Lucky me..:-)

Fin kveld til deg!

Endeleg

2011-06-26T21:47:00.003+02:00

Tre veker ligg og ventar

Doggfriske

Utrødde

Dingle litt med beina

Kanskje stikke storetåa forsiktig

ned i iskaldt hav

Klø eit myggstikk

svi på ein solbrent flekk

Få lov å vere uvitande

om fulle avdelingar,

sommarvikarar og melkespreng

Jo - ferie blir fint!

Ha ein fin ein, du òg!

Kva er det med Søstrene?

2011-06-25T21:54:00.003+02:00

Søstrene Grene åpna endeleg i Bergen

Åpningsdagen var butikken smekkfull

Søstrene anbefaler

en billedramme som er lett å sette inn bilde av kjæresten i

og lett å sette inn et nytt dersom man har fått en ny

Søstrene anbefaler å ikke kjøpe mer

enn man har bruk for

Herleg! Jo - det er noko med Søstrene! Men kva?

Herleg òg med ein kaffi- og muffinspause etterpå med MøbelPøbelen, som forresten har ein fin give-away gåande! Kikk innom henne då vel!

Eplenikkers

2011-06-21T23:24:00.001+02:00

Ei lita eplebukse for ei ny lita prinsesse. Håpar den vil falle i smak.

Fin kveld til deg!

Baljefin

2011-06-20T10:54:00.002+02:00

Iblant er eg litt treg! Det kan eg godt innrømme. På fredag somla eg meg endeleg til å besøke Den grønne baljen - som faktisk ligg heile 5 minuttars kjøring heimefrå...*sukk*

Og FOR ein butikk! Her er det både gamle skattar og redesigna skattar! Gamle skulestolar, mintgrøne dører, kabelbord og Figgjo-fajanse. Porselenskoppar opphengt i eit kvitt bjørketre... Sukkertøy for einkvar smak:-) Men sidan eg hadde bomma på linsevalg, og eigaren sterkt anbefalte meg å komma igjen når ho hadde fått fylt opp med nye varer - så får eg gjera det. Lydig som eg er... Så eg får vise fleire bilder ein annan gong!

Ha ein fin junidag!

Døra på gløtt

2011-06-19T20:26:00.004+02:00

Eit koseleg gammalt skap frå Finn - litt kvit- og turkismaling - ein Anne Black-knott - og ein dæsj tålmodighet, så blei skapet ganske så forvandla. Treng ein litt sommarfølelse i ei litt forvirra forsommartid - er det bare å åpne døra på gløtt..;-)

Fin kveld til deg!

Pinsefint

2011-06-13T23:16:00.004+02:00

Eit sårt tiltrengt lite friminutt

Godt for liten og stor

Bestemor og bestefar

melkeflaske til svoltne lam

tur til vatn og sjø

og vårt eige "Fløyen"

Sol til og med!

Jo, pinsen var fin!

Håpar din var fin òg!

Lykke

2011-06-12T22:56:00.001+02:00

Å plukke

den største buketten med juniblomar

Nesten sommarkveld

2011-06-10T10:28:00.003+02:00

Ein frikveld i sommarleg modus på vår beskjedne uteplass. Pizza, sol, vin og godt selskap - herleg! No ser vi fram til avkobling og pinsehelg i Rogalandet. Det blir godt!

Ha ei fin helg, du òg!

Rosebinding

2011-06-07T21:36:00.003+02:00

Mens eg ventar på at den ekte sorten skal oppdage at det er blomstringstid, lagar eg roser sjølv. Ikkje så vakre og velluktande som dei der ute... Men dei gjer nytten enn så lenge.

Ikveld har eg og Harefrøken vore på syklubb ilag. Sygjengen hadde med størstejentene våre på sommaravslutning, og jentene fekk vere med å sy. Snakk om stas! Harefrøken laga seg i veske, eller ho begynte på ei veske, så var tålmodigheten slutt... Men veska blei ferdig med litt hjelp av mor. Og kjekt hadde me det, alle mann:-) Bilder kjem etterkvart.

Ha ein blomstrande kveld!

Helg forbi

2011-06-05T23:07:00.002+02:00

Ei solskinnshelg er forbi. Akkurat ja - når sola skin har eg gløymt månader med regn. Solbyen Bergen:-) Så godt å ha gullfisk-hukommelse innimellom...

Fredag kveld var sydlandsk og fin, med eit ørlite bloggedametreff her i byen. Veldig kjekt å treffe ansikter bak bloggane, og så viste det seg å ikkje vere det minste skummelt. Berre kjekt!

Ta gjerne turen innom desse herlege damene:

MøbelPøbel

Brigg

Duse Pasteller

Pink lady and the polkadots

Mies mirakler

Fin kveld til deg!

Troll

2011-06-02T15:12:00.005+02:00

Dagen utan ro

utan trøyst

Regn på ruta

Troll i magen

Få lov til å vere i det

berre idag

Er eg

2011-06-01T21:43:00.003+02:00

Eg samlar

altså er eg

*er eigentleg ganske trist, trøtt og lei for tida. Orkar ikkje kommentere så mykje, men kikkar innom dykk og hentar glede og inspirasjon! Takk for at de er her!*

Fine fargefunn

2011-05-31T13:45:00.002+02:00

Eg diggar Fretex. Ikkje for dei mange gongene eg ikkje finn nokon ting, berre kjipe brukte ting kor enn eg snur meg. Men for dei gongene eg finn. Som igår - klede i herlege fargar. Raud treningsjakke til meg sjølv i herleg 70-tal. Slengbukse i vilt rosa mønster til ei av tantejentene. Litt striper til jentene(Ja, mora ER faktisk stripegalen...) - og litt oransje/fersken/petrol stæsj til den fargeglade... *sukk*

Ha ein fargerik dag!

Ryddedag

2011-05-30T21:15:00.002+02:00

Fridag i ryddingens teikn. Det gjer godt å få rydda, sortere vekk ting ein ikkje treng, legge vintertøy på loftet OG vaske med herleg grønnsåpe etterpå. Reine terapien:-)

Og så fekk endeleg den nye korktavla finne plassen sin i sykroken. Ei gammal treramme frå loppis, som er malt syrleg gul, samt ei gammal korktavle som er kappa og trekt om i gule og lilla stoffer. No er den klar til bruk.

Fekk meg òg ein snartur innom Fretex idag, og er såre fornøyd med den fargerike fangsten. Den får du sjå imorgon:-)

Ha ein fin mandagskveld!

Kompromiss

2011-05-29T21:56:00.002+02:00

Eg let haust vere haust ute - sommarkjolen og ullsokkane er på inne. Så kan det berre regne frå seg litt. På bordet står tre fine sommarbukettar, for etter litt leiting og konkurrering fann me faktisk maaaange sorter på turen vår idag. Til og med storkenebb. Då er den rett og slett snart her då. Sommaren.

Fin kveld til deg!

Stor gutt

2011-05-25T15:49:00.004+02:00

Mens regnet framleis høljar ned finn eg fram min yndlingskopp, rynkar bryna i stoffvelgerynkene og lar humla suse. Lillebror har vekst ut av babydyna si og treng større dynetrekk enn det turkise med epler på. No blir det grønt og brunt i herleg retro, og med den fantastiske stoffbiten med indianarar på, som eg vann frå skjønne Dig og Mig.

Ha ein fin onsdag der du er!

Venter

2011-05-23T13:44:00.003+02:00

Sommarkjolen heng klar

Solkremen står klar i gangen

No er det bare å komme, Sommaren!

Tusen takk for alle kommentarar og sms'ar eg har fått etter "Skjøre liv"-posten! Mange av dokke veit kva det vil seie å ha alvorleg sjukdom tett på. Takk for at dokke viser omsorg!

Juleverkstad

2011-05-22T21:25:00.002+02:00

Sjølvlaga er vellaga. Og juleverkstad er kjekt - sjølv midt i mai. Marsipan, sjokolade og strøssel - samt ein kaffikopp - er finfin aktivitet på ein grå og hustrig lørdag.

Håpar du har hatt ei god helg!

Skjøre liv

2011-05-15T22:33:00.002+02:00

Koblar av med ein liten dose fargeterapi etter ein krutsterk dag. Med alvorleg sjukdom i nær familie kjenner eg at overskuddet ikkje er på høyden. No skal det bli godt å la kroppen få ei god natts kvil.

God natt, venner!

Fargeglad

2011-05-11T11:26:00.002+02:00

Idag slår eg eit slag for dei gode, gamaldagse spesialbutikkane! Dei som kan faget sitt. Og eg som kunde kan komme inn med ein lysestake i ein spesiell gulfarge - og malingsmannen kan dra fram NCS-vifta si og gå rett på. Utan å nøle. Slikt blir eg skikkeleg glad av. Og imponert. Og kjører gjerne eit godt stykke lengre for å finne nettopp dei.

Og så kan eg kose meg med ein boks maling. Idag er det ikkje meir som skal til.

Sit på gjerdet

2011-05-09T22:39:00.003+02:00

Eg sit på gjerdet ilag med Elvis, og ventar på at inspirasjonen skal komme over meg. Skjønt ventar og ventar... Livet er ikkje nettopp kjedeleg for tida, så eg har få ledige stunder til å sitte og vente.

Men altså - bloggeinspirasjonen er ikkje her. Den er sikkert ein annan stad. Imens kosar eg meg med alt det andre. Sommar og uteliv. Forberedelsar til høgtider i mai, og alskens andre festlege arrangement. Loppemarknadar, med tilhøyrande salmiakkvatn og flikking.

Eg er nok snart tilbake. Håpar de òg er her då. Imens kosar eg meg med korte snarturar innom dokke andre, for glad inspirasjon!

Fyrstemann til mølla...

2011-05-04T10:46:00.003+02:00

Så artig at så mange likte syfuglen min. Den kjøpte eg i Stillwater som ligg langs Mississippi, i ein diger antikvitetsbutikk. Eg veit ikkje kor gammal den er, men den har tydeleg levd lenge. No er den på veg ut på Finn - eg har rett og slett ikkje så god plass til prydfuglar... Men de får sjansen fyrst:-) Legg igjen ein beskjed om du er interessert...

*Oppdatering: fuglen er fløyet..:-)*

Livsteikn

2011-05-02T22:07:00.004+02:00

To koselege prosjekt midt i

eit tovekers travelt gressenkeri

Eit skjørt til ei skjønn rosa jente

med ei skjønn oransje mamma

Nygammal lesekrok

i Grandma sin glade farge

Fin kveld til deg!

Ein god dag

2011-04-27T10:44:00.002+02:00

Idag er

not just another day

eg velger meg ein

god dag

Liker

2011-04-25T18:23:00.003+02:00

Lulabird

Camila Prada

Puka Puka

Ta vare på kvardagane som no kjem

La kvar dag bli ein god ein!