mandag 26. april 2010

Storfint besøk

Fretex-besøk idag. Denne ugla her ba så fint om å vere med heim.

Kven kan vel motstå slikt? Ikkje eg iallefall. Eg er tross alt ein uglevenn.

Men kva art den er, er vanskeleg å sei. Sjølv etter ein rask kikk i Ugleboka. Enn så lenge er den brun - men tanken er at den skal få seg ein omgang med litt maling. Kvit, svart eller gul. Kva syns du?

fredag 23. april 2010

Send eit tre

Idag lot eg meg facinera av vakkert arbeid i kryssfiner! I ein butikk full av kinesisk design, klarte eg ikkje å gå forbi dette - som var finsk design...Tilfeldig? Neppe.

Lovi er eit finsk firma som lagar dei nydelegaste figurar i kryssfiner. Du set dei saman sjølv. Tre store som juletre, eller små hjerter eller dyr. Dei minste tinga kan sendast som postkort! Og kjøper ein eit tre, vil ein støtte plantingen av eit eller fleire tre i land der slikt er mangelvare.
Etisk handel, med andre ord! Ikkje dumt!


Så kanskje årets juletre er frå Lovi?

Bilder



Å - det fins mange bilder i dette huset. Dei blir bytta om og skifta ut ofte. No jobbar eg med å ta bilder av dei. Eg skal nemleg starte opp Epla-butikk. Spanande. Og litt skummelt.

Ha ein fin fredag!
Posted by Picasa

torsdag 22. april 2010

Oppussing pågår!

Endeleg nærmar leiligheten vår seg ferdig. Den siste etappen er under arbeid. Og det blir fint!

Lyst og fint! No må det litt farge til i dei lyse romma - og det skal vi vel alltids klare...


Kikk innom ein annan dag - så er me kanskje litt meir ferdige..:-)

søndag 18. april 2010

Vår!

Søndagstur til kvitveisbakken. Sola skin og det bles - verdas beste ver! Det luktar vår av skogen!

Over oss har ørnungane sitt fyrste møte med vind og venger - og ropar litt usikkert på mor og far.


Små nevar som plukkar den styrste buketten dei klarer. Den finaste buketten i verda! Og så heim og vise til bestemor!
God søndag til deg!

Posted by Picasa

lørdag 17. april 2010

Sistemann ut

Som sikkert sistemann ut i bloggverda, har eg laga eit etasjefat. Fine gamle Figgjofat frå Fretex, eit drammeglas og sterkt lim - så vart det ein personleg variant. Dagens jubilant vart iallefall glad!

Eg syns dei slitne gamle fata er så sjarmerande. Og fargane er jo snop for høgre hjernehalvdel!


Lurar på om eg kanskje må lage eit til meg sjølv òg..?

fredag 16. april 2010

Bambus

Lilleba i Stavanger designar sine eigne klede i bambus og soya. Denne veka la dei ut sommarkolleksjonen. Nydelege, mjuke klede med eit estetisk ytre!


Bambus er ganske nytt i klede i Norge, men eg trur det vil komma meir og meir. Ikkje berre er det eit særdeles miljøvenleg materiale - men det har òg utruleg gode kvalitetar. Det suger væske og isolerer som ull, og er eit godt alternativ for dei små med sensitiv hud.

Anbefalast!

torsdag 15. april 2010

Eit eple om dagen

Eit eple om dagen skal visstnok gjere godt for magen.


Elles kan ein gå til Per i hagen. Sette seg på ein stein og gnage på eit bein.

Neimen om eg veit kva som funkar best - eple eller bein... Veit du?



tirsdag 13. april 2010

Veskeblikk

Eit dynetrekk til ei jente, og ikkje til den andre..? Hm. Litt kjøpsslåing resulterte i at mor lovde søstermor ei veske.

Klart femåringen treng ei veske! På høg tid kan ein vel sei. Til å ha noko i. Eller ingenting, om ein vil. For det kjekkaste er jo å springe, så den hoppar på magen!

Og så føler ein seg så fin!


Ha ein fin kveld - med eller utan veske!
Posted by Picasa

mandag 12. april 2010

Tid

Sitte på krakken og vente på posten. Sjølvsagt hjelper det med ein kaffitår då. Tenke sitt om vind og ver. La tida gå. Eller komme.

Men uansett ikkje ha travelt. Berre vente på posten. Om han nå kjem den dagen.
Posted by Picasa

søndag 11. april 2010

Står du her og skin?

Eg som aldri, endå så mange loppemarknadar eg har tråla, har funne noko som har vore i nærleiken av ekte design. I helga fann eg Falcon, som er ein ekte norsk klassikar, designa av Sigurd Resell på 70-talet. Rektignok mangla den ein knapp og verka litt oppgitt, der han sto - men med litt vask og skinnpleie steig humøret på karen!


Og det beste er... Den er knallgod å sitte i! OG eg gav berre 50 kr for han(hihi)!


Fann litt småidyllisk tapet òg. Ein heil rull. Sel gjerne nokre meter, dersom nokon er interessert!

Ha ein fin søndagkveld - det som er igjen av han:-)



Kos

I påsken vart det mykje inneliv for minsten og mor. Men sidan me var heime hjå mine foreldre på besøk, vart det likevel ikkje kjedeleg. Og med eit kamera kan ein kose seg med å forevige nokre gyldne øyeblikk. Som desse, av minsten og bestemor. Nye babytær mot gode arbeidshender. Vakkert!

Posted by Picasa

fredag 9. april 2010

Varme føter

Så er dynetrekket ferdig! Pusekattane er på plass, som lova. Og me får tru at Mollemor vil halde føtene varme under den nye dyna...



Ha ein fin dag!
Posted by Picasa

torsdag 8. april 2010

Ny dyne

Mollemor har vekse ut av dyna si. No stikk små tær fram frå dyna på eine sida, og eit nydeleg bustehår på andre sida:-)
Så juniordyne må det bli, oppi den fine voksesenga er det ikkje plass til meir. Men dynetrekk til juniordyne? - nei, det har me ikkje.

Men eg har masse flotte, gamle dynetrekk. Og kva er då meir naturleg enn å lage eit nytt i dei herlege gamle mønstra?

Igår laga eg nok eit kattetrykk, og det skal òg pynte dyna. No treng eg litt hjelp til å velge fargekombinasjonar på tilbehøret. Raudt eller blått..?

Apropos kattar; neimen om eg veit kvifor desse kattane stadig kjem til meg. Eg som ikkje eingong er glad i kattar. Trur eg...