onsdag 30. juni 2010

På staden kvil

Det høyrtes ut som ein kommando. Her trengs ingen kommandoar. Ein sjuk kropp finn senga lett. Så får sommar vere sommar. Enn så lenge.

Takkar for alle koselege kommentarar de legg igjen! Eg blir såååå glad for det!

Ha ein fin og forhåpentlegvis frisk dag!

mandag 28. juni 2010

Meir om leik

Laurdag var maledag med Hannah. Endeleg! Veldig kjekt med tanteungar som likar det same som tante!

Me hadde fargeblanding på agendaen, men rakk å lære kvarandre fleire andre ting òg. At det er lov å tøyse og leike seg. At alt er lov.

Og så det viktigaste av alt: at det er lurt å ikkje tenke så mykje. For mykje tenking blokkerer ofte for kreativitet. Det er blant anna derfor mange vaksne trur dei ikkje kan. Som ofte er heilt feil!

Så fram med maling eller teikneark, folkens. Slepp deg laus litt. Våg å leike:-)

søndag 27. juni 2010

Sov i ro, slumre inn...

Ei lita dyne til ei lita jente. Stoff frå tider langt tilbake. Trykk frå notida. Gammalt møter nytt.

Ein fin kveld til deg!

fredag 25. juni 2010

Panikk

Det vart antydning til panikk i heimen, då speilrefleksen fekk seg eit dunk og gjekk i svart. Eg såg for meg ein heil sommar med kompisen på speilrefleks-sjukehuset - og ingen til å dokumentere sommaren vår. Ingen bilder av bading, is-eting og bærplukking. Huttetu.

Heldigvis har Vestablikkmannen litt peiling på kamera. Eit vipp på speilet - og VIPS - så slepp eg å frykte ein bildelaus sommar!

No har eg kvilepuls igjen..:-)

Ha ein fin kveld!

tirsdag 22. juni 2010

Eit spann maling

Tenk å bli så glad for eit spann med maling. Eg kjenner mange som har det heilt motsatt..

Det blei Flügger denne gongen, for å bryte litt med vanen, og prøve noko nytt.

Gamle, fine Hjertestolen fekk sommarkjole på. Eit av hjertene fekk bli. Slik at det framleis kan vere Hjertestolen! (Det viser ikkje så godt, men fargen er egentleg lys turkis. Surprise..?)

Eg gløymde igår å gje "Beautiful Blogger" awarden vidare. Her er dei 7 eg vil gje ein liten pris for kreative, fine, morsomme, inspirerande og lekne bloggar:

Når man får prisen er det tre ting som må gjøres:
Man må linke til den personen man fikk prisen av.
Man må fortelle 7 ting om seg selv.
Man må gi den videre til 7 andre bloggere.

Ha ein lekker kveld vidare!


mandag 21. juni 2010

Litt om mykje

Ikveld malar eg. Lys turkis. Mollemor sin stol fyrst.
"Mamma - maler du min stol?" "Ja." "Da er du snill.." *Sukk..* Den var søt.
Ellers så trekk eg pusten for å fortelje 7 ting om meg sjølv:
  • Eg er oppvaksen i ei nydeleg bygd i Rogaland. Fjell og fjord. Fisk og tørrhøy. Plommetre og vind. Ingen over - ingen ved sida.
  • Eg likar ikkje å gjere som alle andre. Det har vel med oppveksten med sau å gjere... Men resultatet kan av og til vere litt enerverande. For meg, og ikkje minst for andre. Eg er den som får meg mobil og facebook-konto heilt sist - for nettopp å ikkje gjere som alle andre.
  • Eg har høgdeskrekk og edderkoppfobi. Ingen klatring i stigar om eg ser ein kravlande skapning, altså.
  • Eg køyrer scooter til jobb - og elskar det! Har desverre ikkje Vespa, som er favoritten - men ein påliteleg Peugeot. Jada - image er ikkje alt.
  • Eg likar utfordringar. Eg kjenner meg levande ved å trø litt utanfor komfortsonen. Meistre. Berre ikkje fallskjerm. Eller tarantella.
  • Eg er ambivalent. Til tusen. Difor er favorittfargen min rød. Og grøn. Og akkurat no lys turkis. Imorgon kanskje noko anna.
  • Eg jobbar ikkje i ein ni til fire jobb. Tvert imot. Kundane mine treng hjelp heile døgnet.

Sånn! *puh* Det var dagens forteljing.

Ha ein koseleg kveld!


fredag 18. juni 2010

Hjartenøkkel

Det er kald sommar framleis her på vestlandet. Enn så lenge er det sokkar i sandalene og eit litt stivt smil. Då er det fint å ha meiningsfylte aktiviteter innomhus. Ikkje berre kos, sjølvsagt. Husarbeid må av og til òg prioriterast.

Dagens trykk er ein hjartenøkkel. Denne bør ikkje rotast vekk. Ikkje så farleg med dei andre nøklane, berre ein tar vare på denne.

Igår fekk bloggen min ein finfin pris frå denne skjønne bloggaren. Gjett om det gjorde meg glad! No må eg i tenkeboksen for å finne ut kva for 7 ting eg skal fortelle dykk...

Om du leiter etter tiaraen din, eller baker bryllupskake - eller ikkje bryr deg om bryllupet imorgon i det heile tatt - ha ein fin fredag uansett!

torsdag 17. juni 2010

Kvile på ei sky

Ein liten blid kar som kosar seg på ei godverssky. Kan det bli bedre?

Skya er inspirert av denne flinke dama.

So'long!

onsdag 16. juni 2010

Lekedag

Kjekt å leike seg med eigne trykk. Finne nye fargar og nye uttrykk.

Ein lur mann har sagt: "hvis ikke folk gjorde fjollete ting fra tid til annen - ville det ikke skapes intelligente ting."

I Google sitt hovudkvarter i Silicon Valley satsar dei på leik. Dei har eit eige leikerom, der dei ansatte kjem inn for ein pause, og puslar litt med blant anna lego. Av slikt kan det komma idear og refleksjonar ein ikkje får elles.

Nå skal ikkje eg påberope meg at eg lagar intelligente ting. Men uansett: JA - til å leike meir!


Ein fin dag ynskjer eg deg!

tirsdag 15. juni 2010

Liberty light og ein skjønn pingvin

I bilen heim frå kvart Stoff & Stil-besøk, angrar eg alltid. På dei stoffa eg ikkje kjøpte med meg.

Når eg er i butikken fer eg kvilelaust rundt, frå det eine til det andre. Hovudet lett rusa på fargar og kvalitetar. Det er vanskeleg å tenkje klart.

Desse to stoffa angra eg på sist. Denne gongen fekk eg dei med meg. Pingvinane snakka til meg... Vanskeleg å forklare det, men eg endar alltid opp med dyreprint.

Det blomstrete stoffet syns eg likna til forveksling på dei populære Liberty-stoffa. Bare mykje, mykje rimelegare.

Idag blei det to lett-sydde smekker. Kvalitetstesten får Lillebror ta seg av:-)

Ha ein fin kveld!


søndag 13. juni 2010

Fargerik søndag

Kald søndag ute - inne er det varmt og godt. Akrylmaling og forkle på dei to styrste. Stas!

Facinerande å sjå ungar male. Heilt utan sperre, set dei igong. Herleg. Dei stoppar sjeldan opp, men fyller arket med farge og engasjement.

Skulle gjerne hatt litt av det motet!

Ha ein fin kveld vidare!

lørdag 12. juni 2010

Raud

Eg som trudde raud var yndlingsfargen min. Eg som trudde at me vassa i raude effekter i heimen, og at alle kunne sjå det. At det sto "Raud" i panna mi, eller noko.

Så viser det seg at eg må leite etter det raude.

Den raude gardina, Rody'en som Mollemor dreg med seg i senga kvar kveld. Den raude puta og sopplampen. Jada.

Hadde eg vore fargen Raud no, så hadde eg nok vore lei meg... Eg bør nok komme opp med ein unnskyldning.

Og så får eg fortsette å fundere på yndlingsfargar og slikt.

fredag 11. juni 2010

Sliten fredag

Symaskina går. Lillebror stemmer i og syng på sitt tannlause vis. Han er jo nærmast oppvaksen med lyden, og kjenner den godt.
Det er tanntid i heimen. Travle netter for liten og mor. Då er det godt at dagane trass alt er gode, med stort sett smil og song.

Og ikveld er det fest for ein skjønn 40-åring! Gratulerer med dagen, Laila!

Ha ein fin dag!

torsdag 10. juni 2010

Gulstripete dag

Eg er ein barnsleg sjel. Leiker frå min eigen barndom, eller andre sin, gjer meg glad.

Det treng ikkje vera treleiker. Plastleiker, f.eks gamle Fisher-Price leiker er blant favorittane.

Og min eigen My little Pony frå 80-talet! Tenk å vere så vakker! Om det hadde gjort seg med raude epler på min bakende, skal vere usagt. Men at det er fint på denne ponnien kan vel ingen vere ueinig i?


For ikkje så lenge sidan, fekk eg besøk av ei god venninne som donerte mange av leikene sine til småjentene! Gjett om mamsen blei minst like glad som dei små... Bilder kjem etterkvart!

Som du sikkert har oppdaga - idag er ein gul dag! Igår fann eg det gulstripete stoffet på Fretex - og blei så glad, så glad! Eg er alvorleg glad i gult, men finn sjeldan gule stoffer. No summar det av idear i hovudet.

Ha ein gul dag, du òg!

tirsdag 8. juni 2010

Mi tid

Heime igjen etter turen til sommarlege København. Eg er slett ikkje overraska over at nordmenn likar seg der. Det gjorde eg òg!
Mange inntrykk ligg i kø til bearbeiding. No er det ryddetid. Både her og der.
Den nordiske kongressen eg var på hadde fått laga sin eigen kopp, designa av keramikar Anne Black. Så fin, så fin!

No er tida mi eiga igjen. Skuldrane på plass, og presset borte. Det skal nytast! Symaskina skal fram igjen frå kasjotten. Hurra!

Sjå meir av Anne Black her.

Ha ein nydeleg førsommardag!