lørdag 24. desember 2011

Juleønske

Eg håpar jula blir fin. For oss alle. Om ikkje alt blir som planlagt. Om det er nokon ein saknar. Om julesnøen ikkje kjem. For jula er her uansett. La oss ta vare på. La oss gjere vårt beste. For den store stjerna lyser over ein stall ein stad. Og himmelen kviler på strå.

Fredeleg jul til deg!

torsdag 22. desember 2011

Reprise



Siden førjulstida iår har bestått av julespel, jobbing og vannkoppar - må eg leite i fjorårets bilder for å finne kreative krumspring. Iår nøyer me oss med dei basale tinga - nokre sorter småkaker, røykelse og juletre. Jul blir det uansett!

Fin pittelitlejulafta til deg!

søndag 18. desember 2011

I siste liten




Siste førjulsveka allerede. Her i heimen går det i vannkoppar og førjulskos. Det me ikkje gjere, gjer me ikkje. Og det me gjere - er me lovleg seine med...

Igår morges var det postkortstemning i skogen - så me pakka med oss skinnfellar og tepper og laga oss ein liten fotoseanse ute i det fri. Ufyseleg idyllisk, sjølvsagt - men det er jo berre utanpå. Her er før og etter - eit herleg kaos. Men bildene blei fine, dei:-)

Fin søndag til deg!

tirsdag 13. desember 2011

Raud dag


13. desember og luciadag. Men ingen dag er utan farge her i heimen. Kvitkledd med lys i hår - nope. Ikkje eingong Mollemor ville finne seg i å gå i kvitt, så ho stilte opp i lilla ullklede i luciatoget...

Så her får du bilder med fargar, som vanleg. Den raude fargen snik seg inn. Alltid. Den tek stor plass, men er energigivande og lett å like. Brukt med varsomhet er den ein strålande gjest.

Ha ein fin dag - og pass på så du ikkje bles bort!

mandag 12. desember 2011

Julemarked


På fredag var eg på det årlege kunst- og designmarkedet her i byen. Alltid mykje fint og facinerande å sjå. Dette året kunne eg ikkje gå heim utan ein illustrasjon frå Katrin Berge. Dei litt surrealistiske teikningane hennar er eventyr og islandsk mytologi.

Eit lite ekorn med tversoversløyfe blir fin på jakka i vinter. Og under ligger eit flott silketrykk frå denne flinke dama, som skal bli pute til Jan Kran. Som garantert ikkje les dette:-)

Fin dag til deg!

onsdag 7. desember 2011

Ho listar seg inn


Ho listar seg inn, jula. Nesten umerkeleg. Slik som den vakre keramikk-stjerna som denne bloggaren har laga. Ellers er julefølelsen absolutt tilstades, med florlett nysnø ute og englevinge-sying inne. Førjulstid er fint! Når berre julespelet er over, skal det vel bli ei råd med julebakst òg. Gler meg!

Fin førjulskveld til deg!

fredag 2. desember 2011

Det snør

Fyrste snødag her i byen betyr mykje rot på vegane... Eg og Elvis held oss inne enn så lenge, og fordriver tida med silkepapir, sprettball og slikt. Fine fredagen! Håpar din er fin òg!

torsdag 1. desember 2011

Alltid på veg

Å gå sakte betyr ikkje at ein står stille. Aldri det. Men å gå i rett retning, stadig på veg. Ikkje sjå seg for mykje tilbake, ikkje telle tapte slag.

På veg mot nye eventyr. Alltid det.

Blomar frå ein kreativ kveld ilag med fantastiske medbloggarar. Spennande planar for nyåret! Illustrasjonen som var bestilt er no ferdig og er på veg til ferdig produkt. Gler meg! Fleire ballar i lufta, som vanleg. Likar det!

Fin torsdag til deg!

lørdag 26. november 2011

Stressfri sone



Er eg i rute? Til julespel, til fulle kakeboksar, til ein kamelfri og julepynta heim?

Det ville i tilfelle vere ein kraftig overdrivelse.
Den raude julestjerna er ikkje på plass i vinduet, og lista med juleforberedelsar finst foreløpig ikkje. Kamelane har det fredeleg under sofaen, og heimen er underleg førjulsfri. Alt det andre står på staden kvil, mens me ventar på julespelet. Men ikkje ei einaste stress-skulder i sikte.

Eg har tid nok. Alltid.

Viss nokon ropar at eg må forte meg, går eg berre ekstra sakte.

tirsdag 22. november 2011

Wake me up

Om eg hadde hatt Iphone hadde denne definitivt stått høgt på ønskelista i år! Det er ikkje ei gamaldags vekkarklokke, men ein ladestasjon for telefonen din! Og lastar du ned den fine Flipflap-klokke app'en òg, har du definitivt ein møblert heim. På soverommet.

Fin dag til deg!

Alarm Dock frå Areaware. Bildet er lånt derifrå.

mandag 21. november 2011

Julekort



No er det trykka opp julekort av illustrasjonen eg laga for julespelet. Salet av korta går til inntekt for Kirkens Bymisjon i Bergen, som gjer ein fantastisk innsats for utsatte grupper. Kortreist hjelp til nokon som gruar seg til jul.

Det er doble kort med god plass til å skrive fine julehelsingar, og prisen er 20 kr for eitt, 150 kr for 10! Legg igjen ei mailadresse, eller send meg ein mail om du har lyst til å kjøpe:-)

Fin dag til deg!

fredag 18. november 2011

Kreativt kaos



Mørkt midt på dagen
Inne er det lys, lys, lys
og masse kjekt rot

Fin fredag til deg!

mandag 14. november 2011

Save it for a rainy day




Berre ein blome eller to til deg
og ei solstråle som fann vegen inn

Du kan spare dei til ein dag det regnar
Om du vil

mandag 7. november 2011

Fargelaust?



Å - kor eg likar sarte, monokrone, naturlege interiør. Svart-kvite eller kvit-kvite interiør der teksturane får spele ei viktig rolle. Ro for auga, kvile for pulsen. Nydeleg.

Men så må eg realitetsorientere meg innimellom. Hadde eg klart å leve utan farge? Utan energien fargane gir meg? Neppe. Eg treng farge. Kvar einaste dag.

Fin kveld til deg!

torsdag 3. november 2011

Litt gjenbrukshistorie


Etter sommarferien kom svigermor med desse nydelege stoffene til meg. Dei var henta ned frå loftet til Grandma. Det er feedsacks, som hønsefor og mjøl og allslags varer blei selde i på 50- og 60-talet i USA. Nevenyttige husmødre sydde dei om til klede, til og med bikiniar har visst blitt til av desse stoffa. For ein fantastisk måte å tenke gjenbruk på! Ved å bruke så vakre stoffer til emballasje, sikra ein at dei levde vidare! Eg seier bare; tenk om ein kunne kjøpe mjøl og kaffi i slike feedsacks nå for tida... Dagligvaren hadde jo vore reine stoffhimmelen:-)

Fin kveld til deg!

tirsdag 1. november 2011

Snartur


Berre ein snartur innom for å sei hei! Det er travle tider - julespeltravelt. Mykje folk i sving, ungar og vaksne, amatørar og proffar. Det blir stort! Eg jobbar med kostyme og scene, det er både utfordrande og artig.

Joda, jula nærmar seg med sjumilssteg. Hurra og huttetu:-)

Fin kveld til deg!

torsdag 27. oktober 2011

Kjenne på livet


Nye utfordringar
ilag med menneske som brenn

Våge seg utpå
Ut av komfort-sona

Livet
med kvite skumtoppar på

Eg likar det.

søndag 23. oktober 2011

Mi årstid



Blesten syng framleis - hovudet er fylt til randen av godlyder; susing i gule tretoppar, rasling i tørre blader på bakken, barnelatter. Lauvkrig med den fine gjengen min. Så godt for både auge, øyre og hjarte. Eg har lagra det på den interne harddisken. Til å hente fram igjen når vinteren blir for grå og kald. Til å lune seg på.

Fin søndagskveld til deg!

lørdag 22. oktober 2011

Fødselsdag



Idag er Vestablikkmannen sin dag! Ennå ung - men litt eldre enn på den øverste teikninga her, som vart laga til bryllupsdagen i 2000.

Gratulerer med dagen - du er den aller beste!

God helg til deg som er innom!

torsdag 20. oktober 2011

Innespurv



Dyra er visst i fleirtal hjå oss. No er òg ein spurv komen, og sit fullstendig harmonisk ilag med musa, som kikkar ned på det beitande rådyret. Ungane syns ikkje det er det minste rart heller, dei er vande med små venner som dukkar opp her og der...

Spurven er klipt ut i svart papp og sett opp på veggen med lærarkitt. Enkelt og greit. Minimalt med energibruk, noko som passar meg godt no om dagen...

Fin dag til deg!

onsdag 19. oktober 2011

Inspirerande kveld


Gårsdagen var ein svært vellykka inspirasjonskveld! Slik måtte det jo bli, når miksen er Brigitta, eit knippe engasjerte Landåsdamer og eit utruleg lekkert skulpturmuseum!

Brigitta viste og fortalte om mange fantasifulle og kreative gjenbruksprosjekt. Filosofien hennar er å lage sjølv, istaden for å kjøpe nytt. Det kan gjerne koste minst mulig. Ho let seg inspirere av designarar og ting ho ser. Svært inspirerande! Takk, Brigitta!

Etterpå vart det fri hekling, mingling og kaffidrikking. Og den gode praten gjekk heilt i det høge taket på det flotte museet!