God påske!

Så er påsken her for alvor! Me kosar oss saman med storfamilien, med turar og masse god mat! Men minsten er sjuk - så det blir nok ikkje så mykje nytt her inne, før det er over.

Ha ein fin påske, alle bloggevener!

Fargar

Etter forrige tur til Fretex, kom eg heim med desse tinga. Lurar på om dei er valt meir etter dei metta fargane, enn etter bruksverdi? Men dynetrekket kan syast om til utallege prosjekter, og det laaaange halskjedet havna i kofferten med utkledningsklede. Alt kjem til nytte;-)

Ha ein fin dag!

Kaffe i det fri

No er tida komen for fyrste kaffikoppen på haugen "vår". Våryre ungar rullar seg i tørt gras. Balanserer på ein stor trestamme. Finn små skattar - ein pinne, ein eikenøtthatt. Ei matt sol heng på himmelen, og varmer ørlite i kinna.

Minstemann sitter lunt inni pappa si jakke.

Deilige, deilige vår!

Ut med varmen!

Det har vore ein kald vinter. Varmeflaskene her i huset har jobba på høgt gir. Ei i kvar seng, minst - kanskje til og med både ei i ryggen og ei på magen?

Ekstra deilig er den varmeflaska som har fått kjole av filt.

Men no er tida moden for å legge vekk dei gode hjelperane. No trengs dei ikkje meir på ei stund. Håpar eg...

Ha ein fin palmesundag vidare!

Rusletur

Eg likar å rusle tur og sjå på ting. Når eg har med kamera blir eg ekstra oppmerksam på alt det fine rundt meg. Eit tre som er klar til innflytting for eksempel.

Eg likar tre. Dei er godmodige og empatiske. Ein kan kviskre dei løyndomar - og dei vil aldri sei det vidare.

Den beste lyden eg veit om er tre i vind. Å stå under eit tre når det bles, det gjer godt! Då kjennes det som alt innvendig støv forsvinn... Forfriskande og herleg!

Det bles desverre ikkje her idag. Men eg skal ut med kamera likevel.. Kanskje eg ser noko fint?

Ha ein forfriskande dag!

Wallsticker herifrå.

Lang frukost

Dekke eit fint frukostbrett. Barbeint i pysjamas. Kose seg lenge. Fornøgd Lillebror på fanget, som siklar og syng.

Herleg!

Dagens youtube er frå Etsy sin serie "There's no place like here". Denne snutten er frå San Fransisco, frå huset til den skjønne dama bak denne bloggen.



Kos deg med ein rusletur rundt i huset hennar. Ho har mykje flott kunst på veggane, mykje av det er frå Etsy. Og kanskje du gjenkjenner eit bilete laga av denne dama?

*sukk* Den som var i San Fransisco igjen..;-)

Treng ingen tallerkenhylle

Ikkje til denne tapeten iallefall. Nederlandske Studio Ditte lagar tapet du må sjå to gonger på. Denne tapeten går tallerkensamlinga mi ein god gang. Kanskje finn eg favoritten min her?


Gjenbruk er miljøvenleg, og no er det òg blitt trendy. Men no spørst det kva som er mest miljøvenleg - brukte materialer, eller papirtapet med bilete av brukte materialer..?



Og likar ein skogslyder og fuglekvitter - er eg sikker på at dette tapetet hjelper på humøret!


Bileta er gjengitt med tillatelse.

Ha ein fin dag!

Den som leitar finn

Det har vore mantraet til Fretex lenge. Eg finn ofte når eg er på Fretex. Men oftast finn eg ingenting. Så eg trur eg skriv det om til "den som leitar ofte, finn". Det hjelper nemleg å vere trufast.

No for tida går det i fine fat. Gamle fruktfat er populære.

Fata skal få nytt liv i ny drakt. Eg skal vise seinare. Eg lovar.

Ha ein fruktig tirsdag!

Verda mi

Då eg vaks opp hang verda på kjøkkenveggen heime. Med peikefingeren reiste me verda rundt, og kunne følge far sin båt over alle hav.

Verdskart er framleis utruleg facinerande for meg. Eg vil gjerne ha eit i nærleiken for å vite korleis verda ser ut. Sjølv midt i jordskjelv og orkanar og andre katastrofar, ser verda frå avstand ganske lik ut. Heldigvis.



Kunstnaren Zsuzsanna Ilijin frå Amsterdam har laga det flotte Hello Map, der ho brukar ordet hallo på alle språk i verda, istadenfor kartfargar. Grafisk og vakkert!


Mi puslebrikke i verda.

Wallsticker frå Ferm Living.

Ha ein fin vårdag!

Så seier eg...

...farvel til vinter og snø - og hjarteleg velkommen til spirande, gryande, klukkande vår!