Idag slår eg eit slag for dei gode, gamaldagse spesialbutikkane! Dei som kan faget sitt. Og eg som kunde kan komme inn med ein lysestake i ein spesiell gulfarge - og malingsmannen kan dra fram NCS-vifta si og gå rett på. Utan å nøle. Slikt blir eg skikkeleg glad av. Og imponert. Og kjører gjerne eit godt stykke lengre for å finne nettopp dei. 
Eg sit på gjerdet ilag med Elvis, og ventar på at inspirasjonen skal komme over meg. Skjønt ventar og ventar... Livet er ikkje nettopp kjedeleg for tida, så eg har få ledige stunder til å sitte og vente.
Så artig at så mange likte syfuglen min. Den kjøpte eg i Stillwater som ligg langs Mississippi, i ein diger antikvitetsbutikk. Eg veit ikkje kor gammal den er, men den har tydeleg levd lenge. No er den på veg ut på Finn - eg har rett og slett ikkje så god plass til prydfuglar... Men de får sjansen fyrst:-) Legg igjen ein beskjed om du er interessert...
Ja, påsken er over for denne gong. For min del. No er det sjukehuset som ropar i det fjerne. Men kva gjer det når ein har med seg deilige, vårlege ferieminner i sekken? 
Endå så liten plass me har, har me fått rydda plass til ein sykrok! Ein ørliten kreakrok. Ungane har allerede tatt han i bruk - så han ser ut til å vere godkjent. Med godt arbeidslys frå loppis-Luxo'en og peisomnen like ved kan det bli mange gode arbeidsøkter her. 
Eit miniprosjekt mens eg ventar på å bli frisk. To jentebukser, som var holete og slitne, får nytt liv som knebukser til Elvis. 
Ha ein fin førpåskedag!
