Kvilepuls

Vinterferie i heimen! Tid for avkobling. Tid for ei kaffistund når-som-helst - fordi ein vil. Tid for prosjekter . Tid for kvarandre.

Eg har til og med begynt å strikka. Eller spøta, som eg burde sagt. Eg er veldig glad i dialekta mi, men den er avslepen no. Etter år med spørjande blikk og "Kva sa du?" - så legg ein motvillig frå seg dei frodigaste orda. Desverre. Men eg kan heldigvis enno. Alle orda. Ordrikdomen. Eg må ikkje gløyme.

Tur til Fretex idag resulterte i både innskot og uttak. Som vanleg:-) Ein fin, gul kopp ropte på meg, det same gjorde bildet med jente og hund.

Håpar vinteren er snill med deg! Her letta skodda idag, og openberra ein vinter(vår?)idyll. Sol og kaffikos ute! Herleg!

Du kan framleis vere med på basaren min - berre legg att ein kommentar om kva VÅR betyr for deg. Det kan du gjere HER.

Fest og basar

No syns eg det er på høg tid å feire litt! Over 100 vestablikkvenner og masse besøk dagleg er stor stas! Og alle kommentarar de legg igjen gjer stor lukke! No vil eg gi litt tilbake!

Utfordringa di blir å skrive ein liten kommentar om kva som er VÅR for deg! Ein ting eller to! Så trekker eg ut ein tilfeldig vinnar 10. mars.

1. premie er Fri-bildet. Det er akryl på papir, i ei 20x20 cm ramme.

Trøstepremie er Lukt av regn-bildet. Akryl på papir, 13x13 cm(uten ramme)

Lykke til!

Du utan blogg kan òg delta - legg berre igjen mail-adressa så eg finn deg igjen:-)

Små ting

Eg er avhengig av småtteri. Små fargeklattar å kvile augene på. Eit lite ord, ei lite bilde. No for tida henger eg mykje opp med fin japansk washi tape, men er glad jentene ikkje har fanga opp den trenden. Det kunne fort ha blitt MYKJE på veggane her, gitt:-)

Takk for alle tips for hekladukane mine! Eg ligg i tenkeboksen, men landar nok på noko etterkvart. Og då skal de sjølvsagt få sjå...

Idag er kviledag etter jobbehelg. Då er det sjølvsagt titusen ting som skal gjerast. Og når eg alt? Neppe... Men no planlegg eg ein morosam ting, som eg skal skrive litt meir om her snart. Gler meg til det!

Fin dag til deg!

Svenskestil

Viss de skulle vere det minste i tvil; ja - eg diggar blått og gult! Saman! - og så er eg veldig glad i svenskar òg, då - så det er heilt greit!

Eg har ein stor haug med fine gule og blå hekladukar som eg klør meg i hovudet over. Nokon som har gode idear for kva eg kan lage med dei?

God helg venner!

Bokstavlykke

Min fine reiseskrivemaskin! Lett å bera, fin å sjå på! Og for ei skrift! No for tida er han desverre sørgeleg utkonkurrert av enklare maskinar. Lite reising i sikte. Kunne sjølvsagt ha tatt han med meg ein tur på Bybanen. Dratt han fram og tasta i veg. Latt som ingenting.

Det kunne vore artig.

Men ofte blir han lufta her heime i det minste. Elskar lyden. Kjensla av å verkeleg høyre at eg skriv. Ingen tvil, liksom.

Bokstavar er kjekt! Eg blir aldri lei. Fyrsteklassingen sin facinasjon er òg min...

Bloggar å besøke:

Uppercase

Lottie Loves

Håpar du har ein fin dag!

Hjerteleg

Vil dele litt hjerter med dokke som eg likar så godt! Takk for alle koselege kommentarar og tilbakemeldingar her inne! Blogglandia hadde ikkje vore det same utan dokke!!

Klemmar sendt til nord og sør, aust og vest! Håpar du får ein fin valentinsdag!

Mammadag

Gratulerer så masse med dagen, medmødre! Visst er me heldige! Eigen dag, til og med!

Eg er i tillegg så heldig at eg har verdens beste mor! Omsorgsfull, sterk og flink! Denne gongen fekk ho seg ei raud veske. Rykande fersk, rett ifrå sybordet... Ferdig i gooood tid - som alltid;-)

Fin søndagskveld til deg!

Helg

Sol, helg og besøk av mamma og pappa! Finfint!

God helg til deg som er innom!

Møbelhopp

Designsstudentane frå Bergen stiller ut prototypane sine på Stockholm Furniture Fair som pågår no. Denne stolen skil seg ut - ein estetisk vakker stol som i tillegg ser ut til å vere god å sitte i! Den er laga av Karoline Løken Helland, som har kalla den Wirkola.

Det skulle ikkje forundre meg om denne stolen blir lagt merke til av fleire!

Lykke til, Karoline!

Fotograf Bjarte Bjørkum

Fabuland

Mine små venner frå Fabuland. Dei har fått innvilga asylsøknadar, og får fast tilhald hjå oss. Stor var gleda då eg fann dei igjen, for desse leika eg verkeleg mykje med som liten! No får dei lufta seg igjen! Det trur eg dei er glade for.

Fin kveld til deg!