No er det trykka opp julekort av illustrasjonen eg laga for julespelet. Salet av korta går til inntekt for Kirkens Bymisjon i Bergen, som gjer ein fantastisk innsats for utsatte grupper. Kortreist hjelp til nokon som gruar seg til jul. 
Å - kor eg likar sarte, monokrone, naturlege interiør. Svart-kvite eller kvit-kvite interiør der teksturane får spele ei viktig rolle. Ro for auga, kvile for pulsen. Nydeleg.
Berre ein snartur innom for å sei hei! Det er travle tider - julespeltravelt. Mykje folk i sving, ungar og vaksne, amatørar og proffar. Det blir stort! Eg jobbar med kostyme og scene, det er både utfordrande og artig. 
Blesten syng framleis - hovudet er fylt til randen av godlyder; susing i gule tretoppar, rasling i tørre blader på bakken, barnelatter. Lauvkrig med den fine gjengen min. Så godt for både auge, øyre og hjarte. Eg har lagra det på den interne harddisken. Til å hente fram igjen når vinteren blir for grå og kald. Til å lune seg på. 
Dyra er visst i fleirtal hjå oss. No er òg ein spurv komen, og sit fullstendig harmonisk ilag med musa, som kikkar ned på det beitande rådyret. Ungane syns ikkje det er det minste rart heller, dei er vande med små venner som dukkar opp her og der...
