mandag 31. mai 2010

Nyansar

Eg er glad i farge og mønster. Nesten til det ekstreme. Takka vere Vestablikkmannen tar det ikkje heilt av heime hjå oss. Det kunne det nok ha gjort...
Men av og til likar eg òg å kvile blikket på nøytrale fargar. Det kjennes godt.



Ha ein superfin vårdag!

søndag 30. mai 2010

Barbeint

Rart å tenke på at så mjuk har eg òg vore. Eingong. Men uansett. No er desse nydelege babyføttene snart klare for å prøve seg på sommar og uteliv.

Berre vente litt - til sommaren har fått eit lite fotfeste.

Ha ein finfin søndagskveld!

lørdag 29. mai 2010

Til lintøyskapet


Når eg ein gong får meg lintøyskap, skal det vere velduftande og skinande. Tellekantar og nystrokne putevar. Nett som ein Blenda-reklame.
Sengetøyskapet no husar alt for mykje anna enn bare sengetøy. Men det er jo lov å drøyme, ikkje sant? Og det luktar iallefall godt der, for lavendelposane er på plass.

Ein må begynne i det små.

Ha ein flott Grand Prix-dag - anten du ser på eller ikkje;-)

fredag 28. mai 2010

Skyggespel

Eit enkelt arrangement på bordet. Plutseleg funkla det i edelsteinar og gull. Vatn, netting og ei låg kveldssol gjennom glaset. Effektfullt!

Ha ein funklande vårdag!

torsdag 27. mai 2010

På langtur


Blå har absolutt ikkje vore min farge. Men no kjenner eg at det er i ferd med å endre seg. Denne puta syns eg faktisk blei ganske fin.

Den er allereie på veg over Atlanteren, til ei som er glad i både blått og kattar! Gratulerer med dagen, Kathy!

Happy birthday, Kathy! Hope you get a wonderful day! This pillow is on its way to you. I know you will enjoy the cats..:-)

tirsdag 25. mai 2010

Koret

Når ein får ungar må ein ofte restarte den delen av hjernen som har med orden å gjere. Ungar elskar å teikne, klistre og rote. Gjerne helst der dei ikkje har lov.
Heime hjå oss er det nulltoleranse for teikning og klistremerker på veggane.
Dette koret fann imidlertid nåde hjå mor. I grunnen var det ganske sjarmerande. Kanskje det får henge litt.
Eg kan jo berre late som eg ikkje har sett det..?

Ha ein fin maidag!

mandag 24. mai 2010

Stille morgon

Morgonkaffi og De Lillos som syng "Tøff i pyjamas". Ellers er det merkeleg stilt i huset. Vestablikkmannen har tatt med seg ungane på tur. Så mor kan kvile og bli heilt frisk. Kanskje det då kan bli litt fortgang i det eg eigentlig skal gjere for tida.
Håpar du har ein fin morgon!

søndag 23. mai 2010

Kos med pus

Ja, eg veit. Eg skulle ikkje sy. Eg må visst sette symaskinen i forvaring til etter København.
Idag vart det, etter nokre dagar i tenkeboksen - ein koseklut. Eller ein pus. Lillebror har allereie kvalitetssikra - og er godt nøgd...
Når eg får tid vil eg lage fleire slike, og legge ut i Epla-butikken. Den står førebels berre uopna. Eg satsar på betre tider for butikkopning og festivitas etterkvart...

Takk tante G, for det supermjuke og fine lakenet! Du ser det kjem til nytte:-)

lørdag 22. mai 2010

Naturlegvis



Ta deg tid til å studere eit tre. Sjå på barken. Klappe litt. Snuse inn lukta.

Alle er forskjellige. Kvart tre har sitt eige uttrykk - sitt eige fingeravtrykk.

Eg har mitt eige favoritt-tre. Treet oppe til venstre i kollasjen. Det er så mangfaldig - så fullt av levd liv. Klokt. Mest som eit gamalt ansikt.

Då eg var mindre, ville eg vurdert tre etter kor gode dei var å klatre i. No for tida har eg andre kriterier. Sjølv om eg framleis av og til svingar meg frå grein til grein, iallefall i plommesesongen...

Og så øksa. Hm... Eg hadde nok ikkje likt om nokon ville felle treet mitt. Men om eg er glad i tre, så er eg òg glad i kulturbeite. Eg likar opne landskap, beitelandskap. Eg likar å sjå fjorden, likar at det ikkje veks til kratt overalt. Så tre må av og til vekk.

Og lite slår vel lukta av sagflis og bål.


fredag 21. mai 2010

Dagens DIY

Ungane våre har tanter, onklar og søskenbarn som bur langt vekke. Oldemor heilt i USA. Då er det kjekt med desse laminerte korta. Dei blir tatt fram ofte.
Når ungane ser ansiktene ofte her - blir dei lettare å kjenne igjen i verkligheita. Enkle å ta fram og halde for små barnehender. Og så toler dei sikkel. Garantert!

Har du fotoprinter(bildestr 5x8 cm) og lamineringsmaskin, er dette lett å gjere heime:-)

Ha ein fin dag!

torsdag 20. mai 2010

Eg er ikkje her

Og ikkje lurar eg på kva eg skal bruke desse trykka og stoffa til heller. Dei ligg berre lett henslengt på golvet, og interesserer meg lite.

Det eg har lov til å tenke på derimot - er København. Så har du tips til fine turar, gode kafear, ting å gjere med små born, spennande butikkar - nøl ikkje med å skrive ein liten kommentar! Då blir eg GLAD!

Viss du er her - ha ein fortsatt fin kveld!

onsdag 19. mai 2010

Alt det andre

Det sprett og blømer. Ute. Og inne.
Knappar, fint papir og sprelske stoff.

Tusen idear og ting eg kunne ha gjort. Fylle opp dagane med.

Men eg har visst ikkje tid. Skal eigentleg førebu meg til Københavntur og foredrag. Men alt det andre freistar mykje meir. Eg er strengt tatt ikkje her heller. No.

Håpar du gjer det du har lyst til. Og kan. Så kjem eg sterkare att. Etterpå.

mandag 10. mai 2010

Vårfin


Litleprinsen var så heldig å arve ein fin, lyseblå anorakk av "tippoldemor"!
Eit lite hol i jakka, gjorde at stoffhaugen blei vurdert og saksa funne fram. Lyseblå og grønt, og ein dæsj turkis? Ja takk!

Så blei det fine lommar i marimekko-stoff. Og ein deilig Buff i herlege vårfriske fargar. Den lagar du på no time i mjukt trikot-stoff.

Jakka er framleis litt stor. Og ute vart det kvitt i natt...

Men snart!

søndag 9. mai 2010

Født sånn eller blitt sånn 2

Apropos fredagens post, så viser eg berre dei to småtullene i fri leik i mor sine stoffer.
Fargar og komposisjonar flyg veggimellom. Velge og vrake. "Mamma - eg kan jo berre laaaage meg ein kjole." Herleg!
Og så spørsmålet; kom dette gjennom morsmelka, eller er dei rett og slett litt miljøskada?
Neimen om eg veit. Men kjekt er det å sjå på dei uansett. Og så kan ein jo håpe at haldningane og gleda varer!
God sundagskveld!

fredag 7. mai 2010

Født sånn eller blitt sånn?

Eg elskar redesign. Er så glad i å kunne bruke om att delar av plagg eg har vore glad i - og tilsette litt nytt - nye fargar og former. Ein får unike plagg på den måten.
Men så kan eg ikkje bruke mønster. På same måten som eg ikkje kan lese noter. Det fins sikkert fine ord på slike som meg. Eg les stort sett ikkje bruksanvisningar heller. Har inntrykk av at det er beslekta med noter og mønster.

Når eg bakar, syr eller syng - så er det etter augemål, eller slump om du vil.
Det blir ofte bra - men nesten like ofte katastrofe...

Er det medfødt eller miljø? Tidsaktuelt spørsmål.

Mor mi slumpar like mykje som meg. Og far min les ikkje bruksanvisningar. Iallefall ikkje før han står fast.

Dette blei eit skjørt. Det skulle bli ein kjole. Ammekjole til og med, inspirert av kleda frå svenske BOOB. Kanskje eg rett og slett skal lese bruksanvisninga til Jeanette frå denne bloggen. Ho har akkurat gitt ut eit nettmagasin, med fantastiske bilete og tekst, og mange fine DIY-prosjekt. Kikk innom henne!

Jaja, eit skjørt funkar det òg! Så får det heller bli ein kjole neste gong.Planane er klare. Mønsteret er ikkje...

Ha ei fin helg!

tirsdag 4. mai 2010

Segle som ei sky

Fine vesle guten på tur i soppskogen. Kva gjer han der? Og kvifor?
Dette eventyrlege trykket kjem frå flinke Katrine. Og så glad eg er blitt i det! Hadde eg hatt slike bilder på veggane då eg var liten, hadde eg ikkje hatt behov for bøker!
Her ein dag kom eg over dette flotte kortet. Det kunne eg ikkje gå ifrå. At det er laga av ei rogalandsdame som òg brukar nynorsk - er slett ikkje noko minus!

Og viss nokon no skulle tru at eg likar collage... Så ja - det er heilt rett;-)

God natt venner!

Pærefin

Idag tar eg til orde for ein utskjelt frukt. Pære. Den har blitt misforstått og mobba i årevis.

Eg syns pærer er fine, eg!

Ha ein fruktig kveld!

søndag 2. mai 2010

Brukskunst

I Maganda sin generøse give-away for eit par veker sidan vann eg. Eg! Som aldri vinn. Ikkje det at eg kjøper så mange lodd, eller spelar lotto eller andre ting ein ofte gjer for å vinne. Men eg vann altså.

To kjempefine siklesmekker til Minstemann!

Dei er allerede tatt i bruk som de ser - og blir konstant kvalitetssjekka..;-) Tusen takk, Gunn!

Kikk gjerne innom den fine bloggen til Maganda, og Epla-butikken hennar!

Kvardagsfest

Eg prøvar å poste denne posten på nytt. Noko skjedde med bildene sist eg prøvde. Så får søndag bli kvardag - iallefall for denne posten sin del...
Herleg å pynte litt på ein vanleg kvardag!
Eg har laga vimplar! Etter inspirasjon frå mange andre i bloggverda. Desse er i yndlingsfargane mine no for tida; lys blå/turkis - gul/oransje. Sommarleg og fint.

Og ugla er visst blitt ei vinterugle... Men pytt - det er vår ute, så det tar me oss ikkje nær av.

Ha ein finfin søndagskveld!