Raud og blå

Ein av mine favorittkombinasjonar for tida. Og det fins så mange fine nyansar av desse. Favorittfavoritten er lys turkis og oransje!

Enjoy!

Kva er din favorittkombinasjon?

Drops

Dei snik seg inn. Nesten umerkeleg. Pudderfargane. Sukkertøyfargane.

Pastell.... Ordet gir meg pittelitt gåsehud.

Men det går fort over. Mest fordi dei ikkje får lov til å dominere. Så ein rekk ikkje å bli kvalm denne gongen.

Fin mandagkveld til deg!

Inn med naturen

Naturen er den finaste interiørdesignaren! Fine greiner og steinar pyntar opp inne òg. Denne fine greina har nok lagt i sjøen i månader, viss ikkje år. Fin og avslepen. No har den stått i stua ei god stund, i påvente av eit prosjekt.

Gardina fekk seg ein pause, og jentene syns det vart ein artig vri. Dei er nå vant med rare påfunn..:-)

Her kan du sjå den fine varianten hjå Noralill!

Ha ein fin lørdagkveld!

M for oss

Bokstavar i interiøret begynner vel snart å bli skikkeleg 2009... Me bryr oss ikkje så mykje om slikt. Så eg smiska meg til ein liten sløydjobb frå Vestablikkmannen. Og mammaen og jentene syns det blei så fint at!

No ventar snart tre duggfriske nattevakter på meg. Eg kan jo håpe at dei blir sånn passe travle. Berre akkurat passe:-)

Ha ei fin helg!

Du verden!

Vimplar er gøy å lage - og lagar fest i rommet! Og så er eg så glad i kart! Denne varianten med gamle kart ser nesten ut til å vere ein kopi av desse i fine Lekehuset - men vart nok klekka ut på same tid. Kors på halsen. Utan lygekryss.

Eg likar å ha verda rundt meg. No òg i taket:-)

Ha ein fin onsdag!

Orden i sysakene

Eg fann endeleg eit symaskinskap. Stakkars Elna har dei siste månadane stått og støva på soveromsgolvet, ilag med anna rot. Ikkje det at ho får stå i ro så lenge. Men ein hardtarbeidande liten maskin fortener vel noko bedre enn å sove med kamelar..? (Kamelar er altså hybelkaniner, men meir veletablerte og større)

Skapet sto ikkje akkurat og skein på Fretex. Gulkvit maling og laus plate. Men det er utruleg kva litt fresh maling kan gjere. No er eg storvegs fornøyd med kjøpet. Elna òg.

Og det beste av alt; no er soveromsgolvet berre golv igjen. Ikkje lagerplass for allverdens prosjekter. Godt med ro på soverommet!

Ha ein fin kveld!

Prikkepute

Godtanten har hatt 60-årsdag i sommar - hurra for ho! Ho har vore mi reservemamma i oppveksten - god som gull! No fekk me feira henne litt, og det var stor stas!

Ho fekk prikkeputa, kanskje ei pute til å bli glad av? Og til å kvile hovudet på - ofte.

Det gamle vatt-teppet hugsar eg godt frå eg var liten - og det fekk eg no av mamma! Herlege, glade fargar!

Ha ein strålande fin tirsdag!

Innegras

Så er nydelege Grass frå Normann Copenhagen endeleg blitt ein del av stua vår. Den pyntar opp både med og uten blomar!

Her er det blitt sommarver - nydelege varme dagar! Me nyt det så godt me kan mellom jobb og skulestart for eldstemor.

Ha ein fin dag!

IKEA in the house

Eg er ingen notorisk IKEA-shoppar. Eg likar forsåvidt IKEA - men syns berre det ofte blir litt for mykje av det. Overalt.

Men no har jentene jammen meg fått seg eit stort bilete frå den svenske giganten. Det er metervare som eg har stifta opp på ei stor korktavle. Sånn fordi eg tenkte det kunne vere til teikningar og slikt. Men no trur eg det blir vanskeleg å henge noko over dei fine dyra.

Stoffet med origami-dyr måtte òg bli med heim. Nydeleg.

Ei god natt til deg som kikkar innom!

Lekkerier

Knappesommaren begynte med overraskelse av den fargerike sorten. Masse flotte knappeprøvar frå 50/60-talet frå svigerinna mi! Mykje flotte fargar og personlegdomar!

Deretter var det opphørssalg i den nedlagde butikken heime, der eg fann fleire knappar, esker, brett og eit skjønt rådyr. Rådyra er ikkje spesielt populære heime hjå mor mi, fordi dei er så glad i roseknoppar. Så både dei ekte eksemplara, og denne i porselen - var det berre eg som likte... Rådyra i skogen såg me kvar dag i ferien, og på vegen heim frå ferie såg me eit titals hjortar, både vaksne og kalvar. Så fine, så fine.

Mamma henta fram frå skapet og gløymselen desse skattane - nydelege fargar. Gjett om eg blei glad! Tenker det blir vanskeleg å sette saksa i dei...

Og enno har eg fått og funne fleire skattar i sommar. I vaskemaskina no ligg eit stort teppe, med bilder av mange rådyr... Ja, eg veit. Det blir kanskje litt mykje. Men vestablikkmannen sa det var heilt greit. Etter han hadde sagt at det var litt rart... Er ikkje han fin?

Visste du forresten at Bambi, og denne i porselen - er dådyr? Dådyra er litt mindre enn rådyra, og har dei fine kvite prikkane...

No kjem symaskinen på bordet. Mann og ungar er på tur, så her skal det jobbast!

Me bloggast!

Sov i ro, slumre inn...

Ei lita dyne til ei lita jente. Stoff frå tider langt tilbake. Trykk frå notida. Gammalt møter nytt.

Ein fin kveld til deg!

Raud

Eg som trudde raud var yndlingsfargen min. Eg som trudde at me vassa i raude effekter i heimen, og at alle kunne sjå det. At det sto "Raud" i panna mi, eller noko.

Så viser det seg at eg må leite etter det raude.

Den raude gardina, Rody'en som Mollemor dreg med seg i senga kvar kveld. Den raude puta og sopplampen. Jada.

Hadde eg vore fargen Raud no, så hadde eg nok vore lei meg... Eg bør nok komme opp med ein unnskyldning.

Og så får eg fortsette å fundere på yndlingsfargar og slikt.

Mi tid

Heime igjen etter turen til sommarlege København. Eg er slett ikkje overraska over at nordmenn likar seg der. Det gjorde eg òg!

Mange inntrykk ligg i kø til bearbeiding. No er det ryddetid. Både her og der.

Den nordiske kongressen eg var på hadde fått laga sin eigen kopp, designa av keramikar Anne Black. Så fin, så fin!

No er tida mi eiga igjen. Skuldrane på plass, og presset borte. Det skal nytast! Symaskina skal fram igjen frå kasjotten. Hurra!

Sjå meir av Anne Black her.

Ha ein nydeleg førsommardag!

Nyansar

Eg er glad i farge og mønster. Nesten til det ekstreme. Takka vere Vestablikkmannen tar det ikkje heilt av heime hjå oss. Det kunne det nok ha gjort...

Men av og til likar eg òg å kvile blikket på nøytrale fargar. Det kjennes godt.

Ha ein superfin vårdag!

På langtur

Blå har absolutt ikkje vore min farge. Men no kjenner eg at det er i ferd med å endre seg. Denne puta syns eg faktisk blei ganske fin.

Den er allereie på veg over Atlanteren, til ei som er glad i både blått og kattar! Gratulerer med dagen, Kathy!

Happy birthday, Kathy! Hope you get a wonderful day! This pillow is on its way to you. I know you will enjoy the cats..:-)

Kvardagsfest

Eg prøvar å poste denne posten på nytt. Noko skjedde med bildene sist eg prøvde. Så får søndag bli kvardag - iallefall for denne posten sin del...

Herleg å pynte litt på ein vanleg kvardag!

Eg har laga vimplar! Etter inspirasjon frå mange andre i bloggverda. Desse er i yndlingsfargane mine no for tida; lys blå/turkis - gul/oransje. Sommarleg og fint.

Og ugla er visst blitt ei vinterugle... Men pytt - det er vår ute, så det tar me oss ikkje nær av.

Ha ein finfin søndagskveld!

Storfint besøk

Fretex-besøk idag. Denne ugla her ba så fint om å vere med heim.

Kven kan vel motstå slikt? Ikkje eg iallefall. Eg er tross alt ein uglevenn.

Men kva art den er, er vanskeleg å sei. Sjølv etter ein rask kikk i Ugleboka. Enn så lenge er den brun - men tanken er at den skal få seg ein omgang med litt maling. Kvit, svart eller gul. Kva syns du?

Bilder

Å - det fins mange bilder i dette huset. Dei blir bytta om og skifta ut ofte. No jobbar eg med å ta bilder av dei. Eg skal nemleg starte opp Epla-butikk. Spanande. Og litt skummelt.

Ha ein fin fredag!