Urban bensinstasjon

Ein avstikkar til haustfine Askøy, gav meg ein lekker opplevelse idag! I enden av ein bensinstasjon ligg det fleire flotte butikkar, blant anna Ren Lykke og AC Home.

Og lykke - javisst! Herlege fargar og lekre saker! Lykke - å ja, alltid kjekt å finne butikkeigarar med same smak som meg. God smak, med andre ord...hehe *stoooort smil*

Ren Lykke hadde til og med sin eigen maskot! Sjå dei augene..:-)

Og så, etter mykje lekre inntrykk - ein god kopp kaffe på koselege Cafe Fru Luna. Og lurar du på tapetet bak Litlegut, så er det faktisk eit veggmaleri! Slå den!

Så ta gjerne turen til Kleppestø - eg trur neppe du blir skuffa:-)

Ha ein fin fredagskveld vidare!

IKEA in the house

Eg er ingen notorisk IKEA-shoppar. Eg likar forsåvidt IKEA - men syns berre det ofte blir litt for mykje av det. Overalt.

Men no har jentene jammen meg fått seg eit stort bilete frå den svenske giganten. Det er metervare som eg har stifta opp på ei stor korktavle. Sånn fordi eg tenkte det kunne vere til teikningar og slikt. Men no trur eg det blir vanskeleg å henge noko over dei fine dyra.

Stoffet med origami-dyr måtte òg bli med heim. Nydeleg.

Ei god natt til deg som kikkar innom!

Liberty light og ein skjønn pingvin

I bilen heim frå kvart Stoff & Stil-besøk, angrar eg alltid. På dei stoffa eg ikkje kjøpte med meg.

Når eg er i butikken fer eg kvilelaust rundt, frå det eine til det andre. Hovudet lett rusa på fargar og kvalitetar. Det er vanskeleg å tenkje klart.

Desse to stoffa angra eg på sist. Denne gongen fekk eg dei med meg. Pingvinane snakka til meg... Vanskeleg å forklare det, men eg endar alltid opp med dyreprint.

Det blomstrete stoffet syns eg likna til forveksling på dei populære Liberty-stoffa. Bare mykje, mykje rimelegare.

Idag blei det to lett-sydde smekker. Kvalitetstesten får Lillebror ta seg av:-)

Ha ein fin kveld!

Rips med fløte

Rips med sukker og fløte er det beste eg veit! Så glad vart eg då, då eg såg den nye butikken som hadde opna i Gågata i Bergen; Lille Rips!

Og gjett om det er ein søt butikk med ein kjempeskjønn eigar! Dei fører merker som ikkje fins frå før her i byen, som By Nord, Rie Elise Larsen og Tove Adman. For det meste danske og svenske produsentar - det kan eg like!

Mykje naturmaterialer, industri og etnisk-inspirert. Sengetøy med ekorn, knalloransje bokstavar(ja, eg måtte snope litt..)og lysestakar i betong. Leikent og herleg!

Ta ein tur innom, så denne butikken får eit laaaangt liv! Og blir ein kaffityrst av turen ut til gågata, kan ein berre gå rett over gata til Dromedar kaffibar etterpå!

Me snakkast!