onsdag 29. desember 2010

Romjulsrapport




Her er framleis jul. Vestablikkfruen har endeleg òg hatt litt velfortent julefri. Lange frokostar, turar ut i ein kvit eventyrverden, kaker og deilige middagar.

Me har det godt!

Håpar du nyt romjulsdagane òg!

onsdag 22. desember 2010

Litt heimebakst

Igår baka eg biscotti for fyrste gong! Enkle å lage og fantastisk gode! Dei var til og med glutenfrie, for det må dei vere skal Vestablikkmannen kunne nyte dei. Så han veit å skrøyte. Det er lurt:-)

Men eg er ikkje så glad i snobberi. Italienske kaker med lekre navn. Tja. Det er vel i grunnen berre gode sprøe nøttekaker. Enkelt og greit;-)

Desse hadde mandlar og pistasjenøtter i. Her kan du finne oppskrifta. Trur eg må prøve med valnøtter og fiken i òg!

Ha ein fin dag!

tirsdag 21. desember 2010

Jul i huset vårt

Så er me inne i siste veka før jul. Sola har snudd og nydeleg vinterføre ligg utanfor døra! Kan det bli betre?

Me pyntar forsiktig, litt pynt her og litt der. Julekassen er stor, men ikkje alt blir tatt fram kvart år. Ingen av oss likar for mykje stæsj. Og julestemninga kjem likevel! Med god mat, god tid, venner og familie!
Håpar du har det fint no i dagane før jul!

torsdag 16. desember 2010

Back in business

Ingen stas å vere kameralaus!

Men no blir snart finaste kameraet utskriven, frisk og spretten - klar til tjeneste. I god tid til høgsesongen! Hurra!

God kveld til deg!

onsdag 15. desember 2010

Marknadsglimt


Stor stas å vere med i år òg! Eg delte stand med bestekusine Ingrid, og nokre søte smånissar:-)


No har Elna gått ut i streik. Det blei nok litt lite overtidstillegg i dagane før marknaden. Eg får håpe ho snart er tilbake i vanleg arbeid - før abstinensene mine blir for store...

Ha ein fortryllande onsdag!

mandag 13. desember 2010

Kvilepuls

Så er me komne halvvegs i desember. Julesnøen er komen, og gått. Juleluktene er innomhus - svibel, kongerøykelse, mandarin. Når det er heilt stille her - kan eg høyre reinsdyrbjellene i det fjerne... Eller kan det vere frå plastnissen frå kjøpesenteret..?

Jo, jula er snart her. Eg gler meg!

Førjulsstemninga som kjem smygande er god. Det er luktar, lyder, minner. Det er julepynt frå loftet, forventning i ansikta til dei små. Det er gleda over å pønske ut fine gåver.

Enn så lenge er huset herleg fritt for stress. Eg likar ikkje å stresse. Eg veit at eg på eit visst tidspunkt før jul kjem til å jobbe på for å komme i mål. Men eg tyner roen så lenge eg kan.

No er jo òg julemarknaden min over for denne gong. Eg feirer det ikveld med å sy pittelitt...
Men ikveld syr eg berre til meg sjølv:-)

I morgon kjem det litt bilder frå marknaden!

Ha ein fin kveld!

søndag 5. desember 2010

Lett gallopp

Jaja sann. Eg skulle liksom ikkje vere med på julemarknad i år. Trudde eg. Men så kom ånden over meg, og i eit entusiastisk øyeblikk meldte eg meg på likevel. For nøyaktig 9 dagar sidan. Og neste søndag er det marknad...

Så nei, her er ikkje så mykje juleforberedelsar å spore - all ledig kveldstid går med til sying, stryking og trykking. Veldig kjekt og veldig travelt! Eg gler meg!

God søndag til deg som er innom!

tirsdag 30. november 2010

Meet the Rabbit

Aldri i verda om eg blir lei kosedyr. Her i huset fins mange, og fleire kjem til i seine kveldstimar. Den siste kosevennen vart laga til Mollemor til fødselsdagen hennar. Det er kanina Selma.

Selma er ganske frisk og freidig når ho er våken og i "lag", men ofte er ho berre søvnig og må sove litt. Ho er vel ei B-kanin, tenkjer eg. Ellers så kan det jo vere dvale-tid for kaniner. Kva veit vel eg?

Her er ungane i seng og då er det duka for litt kvalitetstid med symaskinen:-)

Hej då!

mandag 29. november 2010

Vasetips

Keramikar Anne Langhøj lagar dei søtaste ting i leire. Multivasane hennar står høgt på ønskelista mi nett no. Kanskje du allereie har sett tinga hennar i danske Boligliv - ellers så skriv Anne sjølv i ein mail at heimen hennar er i Rom 123 no!

Ha ein fin mandagskveld!

torsdag 25. november 2010

Opplading

Siste natta med soving før tre nattevakter. Ladar opp med sein kveld med pc og kakao. Litt trykking av julekort og julegavelaging. Tida fram mot jul kjem til å gå fort. Lista over ting eg skal gjere er laaaaang! Men heldigvis fyrst og fremt lystbetonte aktiviteter.

Men altså; aller først litt soving. Og kanskje litt fin godnattsang frå Blafre?

Sov godt!

onsdag 24. november 2010

Gutterommet

Ein liten kikk inn på Gutterommet. Minstemann har sin eigen krok inne på arbeidsrommet til pappaen. Det går fint så lenge han er så liten.

Her inne går det i guttefargar. Lys turkis, lyseblå, og pittelitt oransje. Tenk at eg skulle bli guttemamma før eg kunne utstå blått! No syns eg det er kjempefint!

Storesøster, som endeleg er over sin rosa periode, forkynner med fynd at ho hatar rosa no... No er det lilla. Berre lilla. Eg prøver å seie noko om at ingenting er evig, sjølv ikkje yndlingsfargar. Alle fargar er fine, seier eg, - og høyrer ekko'et frå 4-åringen. Så fint at ein framleis har påverkningskraft på ein liten andel av flokken, iallefall:-)

God kveld til deg - uansett yndlingsfarge!

tirsdag 23. november 2010

Eg har min finaste kjole på

Brudeslør er faktisk ein undervurdert blomst. Den har i alle år vore andrefiolin i lag med pompøse roser. Berre ein god nummer to, liksom. Listefyll. Å nei - dei klarer fint å spele fyrstefiolin òg!

Denne buketten fekk kjole av eit gammalt og brodert putetrekk. Med bisebånd og snor sydd på øverst kan den passe rundt vasar av forskjellige storleikar.

Ute skin fullmånen over eit frostblått landskap, og inne er det varmt og godt, fred og ro. Men no ropar senga på meg!

Me bloggast!

mandag 22. november 2010

À la Disney

Einkvar familie med møblert heim treng sine julestrømper. Slike som alltid fins i Disney-teiknefilmane. Som heng på ein knitrande peis. Med ein gylden Retriever på isbjørnfellen framfor. Tja - nesten like idyllisk som her i huset..:-)

Uansett - etter inspirasjon frå maaaange medbloggerinner, har eg kost meg i nokre kveldstimar. Sett saman fargar og former. Kjekt! Ja, for jula er jo ikkje nødvendigvis berre raud, eller..?

Ha ein fin kveld der du er - med eller utan isbjørnfell og piano!

*Begrepet "møblert heim" kjem for min del frå tida mi som turnusjordmor i Haugesund, då me budde i kondisjonerte strøk i Rådhusgaten. Hadde du piano var det greit. Då var du blant fiffen i byen..;-) Trur kanskje dette er blitt litt avleggs no. Eller kva..?

torsdag 18. november 2010

Tittei

Her er eg. Midt i ein ufrivillig bloggepause. Vårt høgt elska kamera befinn seg i ein komatøs tilstand, og er sjukemeldt.
Eg leitar i bildearkivet, men utan nye bilder blir det ikkje mykje sus i serken... Eg har mykje på hjerta og mykje å vise, men akkurat no må det berre vente.

Lillebror er frisk og blid igjen, og då har me alle det bra. Det meste av andre ting blir detaljar når ein liten kropp er sjuk.

For nokre veker sidan fekk eg ein fin award frå finaste MøbelPøbel - ei kreativ dame du burde kikke innom! Eg takkar og bukkar! Ei av oppgåvene når ein får ein slik pris, er å fortelje 7 ting om seg sjølv. Har du lyst kan du lese litt her. Eg burde ha sendt den vidare til 7 bloggar eg diggar - men slit med å velge mellom fantastisk fine bloggedamer! Så om du vil - er prisen din. Og din...

Ha ein fiiiin torsdagskveld!

mandag 8. november 2010

Eit lite vink

Blogging er ein forunderleg ting. Det er ikkje einsamt. Då eg begynte for eit år sidan, trudde eg ikkje at det skulle bli slik. To-veis. Dialog.

No veit eg. Eg har fått venner. Sjølv om eg ikkje har møtt dykk, kjenner eg at de gir meg feedback og støtte når eg treng det.

Blogging er eit overskuddsfenomen. No er det travle tider i Vestablikk-heimen. Men eg ville berre innom for å takke for alle gode kommentarar på forrige post. Det var tunge dagar. No smiler og ler Godguten igjen. Mor har slept ned skuldrane! Og - kommentarane dykkar gjorde godt!

Takk!

*No når eg ser desse to siste innlegga ser eg at det visuelle krystalliserer seg. Uro er svart/kvit. Det er vanskeleg å vere nyansert når ein er redd. Ro og tillit er fargar og nyansar! Og kanskje treng me kombinasjonen for å vere heile menneske?*

torsdag 4. november 2010

Uro

Slitsomme dagar for Liten og Mor. Innleggelse for Lillebror, vonde stikk og sår gråt. Mamma trøyster, ber på, syng og kysser. To matte auger som ber om fred.

Bekymring, bekymring, bekymring.

Ikveld er vi heime igjen. Kanskje morgondagen blir ein friskare ein?

mandag 1. november 2010

Barnestrek

Eg er så glad i barnestrek. Ungar er så impulsive, så lekne - i full fart kan dei ha eit bilete klart. Og så er dei modige - dei er ikkje redde for å fylle eit ark.

Eg trur det er lov å styre ungane litt i det dei driv med. Ofte vil eit bilde bli litt rotete eller mørkt, dersom dei får mange fargar og god tid. Viss ein gir dei færre fargar og lærer dei å blande litt sjølv, kan dette vere vel så kjekt.

I tillegg "stoppar" eg dei av og til. Særleg dei minste. Dei fyrste strøka og med få fargar kan bli utruleg flotte! Ofte så fine at dei fortener ein plass på veggen!

Men av og til får eg likevel ein følelse av at eg gjer noko gale når eg styrer dei slik. Eg vil jo helst ikkje øydelegge noko av kreativiteten deira. (Det skal seiast at eg ikkje gjer dette så ofte..)

Kva tenkjer du om dette?

lørdag 30. oktober 2010

Haust


Vinden fins både innanfor
og utanfor

Men enno finn eg ein solvarm stein i hagen

torsdag 28. oktober 2010

Kartgodbit

Via Bloesom-bloggen fann eg idag dei nydelegaste kart, frå These are things. Eg er fullstendig fortapt i dei. Har herved ført verdskartet på ønskelista til jul..:-)

Her kan du sjå eit anna fantastisk kart, som står på den same ønskelista - samt forklaringa på kvifor eg er så glad i kart..

God natt til deg som er innom:-)

Puddel

Neida. Det er ikkje hunderasen det er snakk om, men musikk frå 80-talet. No er jo 80-talet heilt inne igjen, med klede og briller og slikt. Men desse velstelte karane kjem kanskje ikkje til å bli up-to-date igjen. Eller?

Men uansett så er dei eit herleg innslag i huset - eg smiler til(sjølvsagt ikkje av!) dei kvar dag!

Ha ein fin torsdag!

søndag 24. oktober 2010

King size

Lillebror veks, ingen tvil om det. Han er snart ettåring allerede, og kry som ein hane når han reiser seg opp midt på golvet og står.

Men mor sine syerier utan mønster kom litt ut på viddene denne veka. Sikkert på grunn av fullmåne og snø i oktober og slikt. Noko som likna mistenkeleg på ein boksershorts i babycordfløyel gjorde Vestablikkmannen litt nervøs. Så viste det seg at det berre var ei haremsbukse til Junior.

Jaja, størrelsemessig var det ein bommert! No spring fireåringen rundt i den, og er såre fornøyd. Så får eg heller prøve meg ein gong til, litt mindre denne gongen:-)

Ha ein fin søndag!