tirsdag 31. august 2010

Godverssky

Kvile hovudet under ei godverssky. Fundere på kva den liknar på. Sjå kor dovent den seglar avgårde. Bli litt svimmel. Og så sovne og drøyme ein sommardraum. Eller to.


Handlenettet er sydd av voksduk frå Åhlens. Fine fargar. Og miljøvenleg. Berre ein hugsar å ta det med...

Ha ein fin tirsdag!

lørdag 28. august 2010

Orden i sysakene

Eg fann endeleg eit symaskinskap. Stakkars Elna har dei siste månadane stått og støva på soveromsgolvet, ilag med anna rot. Ikkje det at ho får stå i ro så lenge. Men ein hardtarbeidande liten maskin fortener vel noko bedre enn å sove med kamelar..? (Kamelar er altså hybelkaniner, men meir veletablerte og større)

Skapet sto ikkje akkurat og skein på Fretex. Gulkvit maling og laus plate. Men det er utruleg kva litt fresh maling kan gjere. No er eg storvegs fornøyd med kjøpet. Elna òg.

Og det beste av alt; no er soveromsgolvet berre golv igjen. Ikkje lagerplass for allverdens prosjekter. Godt med ro på soverommet!


Ha ein fin kveld!

tirsdag 24. august 2010

Prikkepute

Godtanten har hatt 60-årsdag i sommar - hurra for ho! Ho har vore mi reservemamma i oppveksten - god som gull! No fekk me feira henne litt, og det var stor stas!

Ho fekk prikkeputa, kanskje ei pute til å bli glad av? Og til å kvile hovudet på - ofte.

Det gamle vatt-teppet hugsar eg godt frå eg var liten - og det fekk eg no av mamma! Herlege, glade fargar!

Ha ein strålande fin tirsdag!

mandag 23. august 2010

Nøttesøndag

Me har hatt ei kjempefin helg i Rogaland. Der er spor etter hausten no lett gjenkjennelege. Dei fyrste plommene, den fyrste kantarellen og dei fyrste hasselnøttene! O'glede! Skogen er eit spiskammers - berre til å leite. Og ungane elskar å finne!


Hausten ser ut til å bli nøtterik! Ut og leit, du òg:-)

Ha ein fin dag!

torsdag 19. august 2010

Innegras

Så er nydelege Grass frå Normann Copenhagen endeleg blitt ein del av stua vår. Den pyntar opp både med og uten blomar!

Her er det blitt sommarver - nydelege varme dagar! Me nyt det så godt me kan mellom jobb og skulestart for eldstemor.

Ha ein fin dag!

onsdag 18. august 2010

Gatemoro

I byen her er det ganske utbreidt med stensilkunst. Eg kallar det kunst, og eg likar det. Tar ein vekk tagging og annan meiningslaus meiningsytring i offentleg rom, kan denne typen lovbrudd faktisk gje ein opplevelse til ettertanke.

På den andre sida forstår eg problemet dersom alle skulle ta seg til rette, og denne posten er absolutt ingen oppfordring til dette..;-)

Desse bileta tok eg på mi rute til byen igår - og dei var alle nye for meg.

Det pågår ein diskusjon her i byen om dette er hærverk eller kunst. Kva syns du?
Ha ein fin kveld!

tirsdag 17. august 2010

Fort her og fort borte

Det har vore lite sommar her på vestlandet iår. Bikinien har knapt vore ute av skapet. Iår som ifjor tenker eg; "var det dette eg venta på heile vinteren?"
Hausten kan ein alltid stole på. Den kjem. Anten lun og stille, nesten umerkeleg. Eller med eit brak, sint og sur. Uansett herleg. Skifte til noko anna. Rolegare dagar. Kveldar ein har lov å vere inne.

Jo, hausten er fin. Og no er han snart her.

Ha ein fin nesten-haustdag!

fredag 13. august 2010

Litt til

Neida - sommaren er ikkje over. Ikkje heilt ennå. Eg har funne eit gult blad. To òg. Inatt høyrte eg grågåsa som bråkete annonserte retningen den fòr. Dramaqueen, som alltid.

Men her er varmt når sola skin. Morgonane er ennå lyse. Det luktar sommar og blåbær av skogen.

Så ikkje gå heilt ennå Sommaren - bli litt til!

torsdag 12. august 2010

På galeien

Javel - så er eg på galeien igjen. Eg syr utan mønster. Kven veit om det blir ein ferdig kjole til Mollemor, eller om det blir i størrelse dukke...

Om eg har overdreven tru på eigne ferdigheter eller om det rett og slett berre er dumskap - er jammen ikkje godt å seie. Eg trør uti gong på gong. Det blir bra omtrent anna kvar gong. No bomma eg skikkelig sist, så då kan eg jo berre håpe denne gongen..:-)

Puta over er frå dagens Fretex-besøk. Utruleg skjønn!

Ellers så har eg fått ein kjempefin award frå skjønne Mammadamen. Og så glad eg blir for slikt! Har du ikkje kikka innom henne før - så gjer det her.

Ha ein fin kveld vidare!

tirsdag 10. august 2010

Stille morgon

Nei, det er ikkje feriemorgon. Og det er vel knapt morgon heller. Klokka er halv fem på ettermiddagen.

Både ferie og permisjon er over, og eg er tilbake på jobb. Travle vakter på ei travel avdeling. Dag som natt. Spesielt natt. Så etter ei nattevakt som denne, er det godt å ha det litt stille når eg vaknar. Sitte i pysjen og drikke kaffi. Dingle litt med bare bein. Strekke seg, og kjenne at det knirkar litt i kroppen. Vakne sakte.

God "morgon" til deg!

mandag 9. august 2010

Skulejente

Vi har fått ei stor skulejente! Ho er så klar til nye utfordringar - lære å lese og skrive, og ikkje minst; å få lekser! La oss håpe at entusiasmen varer leeeenge!

Igår begynte eg på mitt første prosjekt sydd etter mønster. På tide kanskje. Underveis vart det mykje kløing i hovudet, når framgangsmåten sto på pussig svensk, og minna om fortøying av båt, meir enn sying av kantebånd. Men eg rodde meg i land.
Og fortøyde:-)

Så skulejenta har fått sin skulekjole. Og er veldig fornøyd med det.

Og eg, eg må kanskje vurdere fleire mønster. For eg innrømmer at det var ganske avslappande å ikkje ha heile ansvaret sjølv...

Ha ein fin mandag!

lørdag 7. august 2010

Festdag

Fredagens jubilant er ei modig dame. Ei som lever godt og sterkt. Som deler av både glede og sorg, latter og gråt. Klart ho måtte få vimplar i yndlingsfargane raud og oransje. Energiske fargar for ei energisk dame!


Takk for ein kjempekoseleg fest!

Ein fin søndag til deg som er innom!

fredag 6. august 2010

Smugkikk

Litt detaljar frå jenterommet, medan dei er ute på tur. Her er ein god blanding av nye og gamle ting, samt nokre av mamsen sine rare dyr...


Aftenbøna er arva frå mamma. Ho fekk det av si bestemor som treåring. Nydeleg fint - og så er det ei av kveldsbønene me brukte mykje. Så kjekt å ha med seg vidare. Det ein høyrte ofte som liten, sit jammen fast.

Eg sit i godstolen med beina høgt. Ladar opp til 40-årslag ikveld! Gler meg stort!
Ha ei fin helg!

torsdag 5. august 2010

Mormorskjørt

Eit arva skjørt frå verdas beste mormor, med det smalaste livet du kan tenke deg. Saks, litt dongeristoff til ein kant, og litt tid bak Elna - så vart det eit asymmetrisk skjørt, fullt brukbart i 2010. Ekstra kjekt er det at mormor var så flink til å sy - så ho hadde heilt sikkert likt litt vaskeekte redesign. Trur du ikkje?

Eg må berre seie tusen takk for alle koselege kommentarar de legg igjen - det er stor stas!

Ei god natt til alle bloggevenner!

onsdag 4. august 2010

Trykketid

Neida - det har ingenting med fødsel å gjere... Men ein stoooor ladning nytrykka kort som skal avgårde til østlandet. God tur til dei.

Ha ei god natt!

Systue

Sying er, som mykje anna, dobbelt så kjekt ilag med andre! Me har bestemt oss for å ha faste sykveldar. Kjekt! Tenk kor mykje me kan læra kvarandre!

Eg syns å merke at sying er i vinden - iallefall her vest. Merkar du det òg?

Ha ein fin dag!

- og for dei som lurer: jo, det går fint an å "tatla" mens symaskinane durar avgårde. Ingen problem:-)