Glad

Desse tinga gjorde meg glad i dag:

- den skjønne vaskebjørnen til Darling Clementine.

- den nye selebuksa til Lillebror etter ekte 70-talsmønster(vel og merke med pittelitt justeringar)

- låg haustsol inn vindaugene(og fingermerkene la eg slett ikkje merke til...)

Lykke er å glede seg over dei små tinga. Ein fin farge, ein kompliment, ein printer som funkar.

Kva gjorde deg glad i dag?

OK

OK - så er ferien over for denne gong. Den gjorde godt. Haustfargar som svei i augene. Haustvind som sopte vekk bystøvet frå innerste lungekrok. Haustmorgonar på blikkstille fjord. Haustsmakar - sopp, krabbe, plomme...Mmmmm!

OK - eg er kanskje ikkje heilt klar for surt, kaldt, mørkt. Men er veldig klar for innekos, talgalys og varme genserar! - og sjølvsagt inneprosjekt! JA! I massevis! Og no er eg i full gong med å planlegge julegåver. Veldig kjekt!

Tusen takk for alle koselege kommentarar de legg igjen! Eg blir hoppande glad for kvar minste helsing!

Ha ein OK mandag der du er!

Ferieklar

Det nærmar seg ferie. Vestablikkheimen er i pakke-modus. Pakke for frost, regn og indian summer. Kven veit i oktober.

Ei heil veke fri. Sleppe ned skuldrane og puste litt. Vere masse ute. Vasse i tørre haustblader. Leite etter sopp. Klatre etter dei siste plommene. Samle så mykje D-vitaminer ein kan! For snart er Fru Vinter her med sølvkappa si. Men ikkje heilt ennå.

Kanskje du skal ha pittelitt ferie òg - i alle tilfelle; ha ei strålande helg!

*Ja, dukkemora er faktisk meg - for maaaaange år sidan - egentleg i gamle dagar - som ungane er begynt å sei:-)*

Trekvit under tvil

Eg veit jammen ikkje heilt. Kanskje.

Det er trenden med ubehandla treverk som gjer meg litt usikker. Kanskje eg likar det litt? Men helledussen - med 80 og 90-talet friskt i minne, og furu everywhere - så kjenner eg at det kanskje er litt tidleg. Kanskje eg kjem til å like det. Om ein to års tid. La det berre få lov til å modnast litt.

Enn så lenge vurderer eg å la lysestaken som eg fann på loppis, forbli trekvit. Eg er sterkt i tvil. Men kanskje...

Vreng og stapp

Her er det fin lørdag med boller, kaffi og innekos. Ute er sola bytta ut med regn. Men pytt - me har samla D-vitaminer for lange tider no. Då tåler me litt godversregn. Og er det forresten noko som luktar betre enn våt haustskog?

Igår vart det ny kjole på Mollemor. Nydeleg lillafarge frå eit dynetrekk, og med for i mjuk rosa flanell. Deilig og varmt. Godkjent av den vesle damen.

Faktisk er eg så facinert av nyerverva innsikt, at det meste blir fora, enten det er nødvendig eller ei... Vreng og stapp. Om igjen og om igjen. Bakfram og oppned. Ein kan bli litt svimmel av slikt, og av og til kjem det heilt ut av kontroll...

Men godt det går mot kaldare tider då - så klede med for kjem til sin rett:-)

Ha ein fin lørdagskveld!

Elnatid

Det blir litt sying om dagen - eller rettare sagt, om kvelden. Etter at ungane er i seng, kjem Elna raskt opp på bordet. Ei ny veske blei til her ein dag, i nydeleg linstoff frå Åhlens. Og dynetrekk til ein liten godgut som snart kikkar ut. Håpar han likar grønn då:-)

Ha ein finfin onsdagskveld!

Er det berre meg?

- eller var det ikkje meir spennande på loppemarknad før..? Eg bare spør. No er det altfor mykje folk, og altfor lite å finne. Albuar og travle skattejegerar. Då er det bra at kafeen er full av gode kaker og kaffi, og plass å sitte ute i sola:-)

Så i mangel på loppefunn, får de heller sjå litt av tidlegare skattar. Det grøne stoffet var gardin på rommet mitt då eg var liten. Eg ELSKA det! Dikta masse historiar. Hadde ikkje lysst til å sovne for då kunne eg ikkje dikte meir...

Det høyrer med til historien at eg hadde kvit tapet med raude hjerter, og raud seng! Herlege fargerike 70-talet!

Ein liten gladgut som hjelper mamsen å holde orden i tekstilane..;-)

Den kvite lampen var faktisk loppefunn! Slå den! Fine lampen!

Ha ein fin kveld!

Urban bensinstasjon

Ein avstikkar til haustfine Askøy, gav meg ein lekker opplevelse idag! I enden av ein bensinstasjon ligg det fleire flotte butikkar, blant anna Ren Lykke og AC Home.

Og lykke - javisst! Herlege fargar og lekre saker! Lykke - å ja, alltid kjekt å finne butikkeigarar med same smak som meg. God smak, med andre ord...hehe *stoooort smil*

Ren Lykke hadde til og med sin eigen maskot! Sjå dei augene..:-)

Og så, etter mykje lekre inntrykk - ein god kopp kaffe på koselege Cafe Fru Luna. Og lurar du på tapetet bak Litlegut, så er det faktisk eit veggmaleri! Slå den!

Så ta gjerne turen til Kleppestø - eg trur neppe du blir skuffa:-)

Ha ein fin fredagskveld vidare!

Raud og blå

Ein av mine favorittkombinasjonar for tida. Og det fins så mange fine nyansar av desse. Favorittfavoritten er lys turkis og oransje!

Enjoy!

Kva er din favorittkombinasjon?

Abstinenser

Handlelista mi blir lengre og lengre. Det er abstinenstid. Stoff & Stil-abstinens...

Enn så lenge får eg grave i allerede velfylte hyller med stoff. Det er vel ikkje akkurat synd på meg:-)

Fin onsdag til deg som ser innom!